Taimi Haihambo

Helao Nafidi – Ngoloneya woshitukulwa shaHangwena Kadiva Hamutumwa okwa twa ovadjali vomanguwo vokoiputudilo yopaungoba oshivike sha dja ko  kutya inave lipula noudjuu ngeenge tashi ya peemhito doilonga, shaashi National Youth Development Fund otai va kufa koshi.

Hamutumwa eshi okwe shi popya pefimbo a li ta yandje oshipopiwa shaye onga omupopi wefiku, komadjalo omanguwo atitatu oiputudilo yopaungoba monooli yashiivika nawa onga VTC. Oiputudilo oyo Valombola, Nakayale osho yo Eenhana novadjali vomanguwo ovali 615.

Okwa lombwela ovadjali vomanguwo kutya oNational Youth Development Fund oililepo oku okwa fela ovanyasha ovanamibia momikalo dayooloka, unene tuu ava veli momaumbo vamana omalihongo avo ndele kave wete oilonga, oshoyo ava veli momaumbo natango vena eenghono doku li nyangela ndele kavewete apa tave shitu.

“Epangelo ola yandja eemilona N$ 257, da nuninwa ovakufimbinga momalishangifo oNational Youth Developent Fund,” ta ti.

Okwa yelifa yoo engwangwano lili moshiwana kutya National Youth development Fund, oya pewa ashike ovanhu vatatu keshe moshitukulwa.

“Ovanhu vatatu ava vali vahoololwa keshe moshitukulwa keishi ngeno kutya ovo ashike tava mono. Ovo ova pewa ashike eshi opologalama ya nangekwa pambelwa komupilima minista Elia Ngurare, shaashi itai dulu okuna nangekwa ndele inaku ningilwa omalolelo nghee oshiima tashi kaenda,” ta ti.

Okwa yelifa kutya omalishangifo natango otaa atwikile ina apata. 

Okwa lombwela ovadjali vomanguwo kutya nave ke li shangife, opo vadule oku pewa oshimalia shoku tameka omangeshefelo opedu.

-taimihaihambo2000@gmail.com