Opolisi yaNamibia otayi pula oshigwana shi longele kumwe nayo mokukonga aalumentu yaali mboka ya ningi ethimbo  yaa wetike.

Sha ikwatelela komukuluntu gokwaandjaneka omauyelele Elifas Kuwinga, aalumentu mboka yaali oya ningi esiku taya kongwa ihe okwa hulilwa muunyengwi, sho yaawatike.

Kuwinga okwa ti omadhina gawo oyo Gerhard Auala (41) , Omunamibia, ha popi elaka lyOshiwambo ye oku na otatu kokwaaako kumwe, nolwahugunina okwa li a monika kEtosha, Okaukuejo, ihe ina ku tothwa mo kutya okwa li a monika e li nalye.

Omanga Mateus Henock (20), naye ha popi elaka lyoshiwambo okwali a monika lwa hugunina kolukanda koWindhoek.

Kuwinga ta ti kehe ngoka ena uuyelele mpoka pena aalumentu mboka yaali na dhengele  Inspeka Simvula at 061 209 6218 nenge 081 369 1869, nenge ya lopotele opolisi yi li popepi.

Kuwinga okwa gwedha ko kutya otayaka pandula kehe ngoka taka gandja uuyelele kombinga yaalumentu mboka taya kongwa.

Opolisi oya kala nokukumagidha kutya ngele oshigwa tashi longele kumwe noshigwana otashi humukomeho shaana iimbuluma tayi indjipala osho wo omaupyakadhi taga teya po oshigwana.

Tayi kumagidha kutya kehe gumwe na kale omupolisi go puye mwene, nuuna ya mono sha shaali mondjila naya lopete osasiona yopolisi yili popepi.

-vkaapanda@nepc.com.na