Omulumentu (38) okwa si eso lyiipundjamenye sho a tsuwa nombele mEtitano pethimbo lyoontamanana dha etwa kongodhi ndjoka anuwa ya kana.

Otaku hokololwa nakusa a yugu omufekelwa ongodhi ye, shoka sha eta iikolokosha mbyoka ya eta opo mwene gwongodhi a tse mukwao nombele.

Omufekelwa okwa fadhuka po ashike okwa ka adhika kopolisi, nokwa kwatwa po. Oshiningwanima shika osha ningilwa po Corridor 17, moshikandjohogololo shaAminuis moshitopolwa Omaheke Metitano.
Moshiningwanima oshikwao omukulupe gwomimvo 77 okwa si sho egumbo lye lyoshipeleki lya yaka omulilo. Oshiningwanima shika osha ningilwa polukanda Otjivero mOmitara, moshikandjohogololo Okorukambe. Aakwashigwana mboka anuwa ya mono okambashu hoka ka tema omulilo oya kambadhala ondola okuhupitha omukulupe nguka sho ya mbonyagula iipeleki, ashike omulilo ogwa li gwa ninga nale ogundji, na inaya vula sha. Nakusa oye Martha Dawid, naapambele ye oya tseyithilwa nale. 

 -Nampa