NKURENKURU – Taba ya kubata kubulaya ni kulobaloba mulao obona za babeleki ba makete ukwalulezwi muuna ya ipiza mupolofita kwa keleke ya Leviticus Voice of Prophet mwamunzi wa Mazwa. Zeo litaha kasamulaho amulyani wakulubelwa kuli nafile mushimani walilimo zelishumi kazepeli, notisize kuli ayo ipumana fa munshini wa kubuyelela mwa sipatela sa Rundu.

Keleke yeo ili ye ñolisizwe ilapelela ni kubuluka bakuli kwa keleke kwa likalafo. Kukulubelwa kuli mulyani wana filwe one ukopanyizwe ni vinegar, lizwai, ni matali ufiwa kwabakuli kakupomela mwa lila mokuzwela zemaswe ni mupila.

“Nekubihilwe kuli Lasabata, mushimani walilimo zelishumi kazepeli naisizwe kwa keleke kwa likalafo. Mupolofita sayo atula kuli uswanela kupompelwa mulyani mwa lila. Mulyani omuñwi nokondozwi nikufa kukwahae kuli ayo ufiwa kwandu,” nekubulezi mueteleli wa sipokola mwa sikiliti sa Kavango ya Wiko Julia Sakuwa-Neo.

“Kabumai, kasamulaho akufa mushimani mulyani, akula hahulu mi aiswa kwa sipatela nikuyo beiwa fa munshini wa kubuyelela. Liñaka za sipatela neli ilo fumana kuli mala amañwi mwa mubili na holofezi. Nebapalezwi kunitifaza kapa kolofalo ya mala netisizwe ki mulyani wana filwe kapa neli kabaka la kukula, konomali nangilwe kuiswa kwa labalatoli kuyo tatubiwa. Sipatela sifa libelezi lipiho,”  nekubulezi,’’ Sakuwa-Neo.

Mueteleli wa sipokola nabulezi hape kuli muzeko wa bubangoki nokwaluzwi Lamubulo mi mushimani nasa zusizwe fa munshini wakubuyelela. Nabihilwe kuli nali mwa mayemo sakata. Kono hakuna yana tamilwe mi lipatisiso lizwelapili. “Kalimelo kwa likeleke kuli batuhele kufa batu milyani, mutuhele likezo zetisa kozi mwa libizo la Mulimu. Sicaba si elezwa kusa putelelwa kono baitute mikwa ye minde ni litumelo za likeleke.

Mwasilimo sa 2021, limembala zetalu za lubasi nebatimezi mi alimuñwi napilile mwa kezo yeswana, kasamulaho akuya kwa keleke ya mupolofita kwa munzi wa Mutengo mwa Kavango ya Wiko.