Omupopi gwokoradio yoNBC Michelle Shapange okwa sindana omupopidhingi gworadio omukiintu gwokomumvo methigathano lyaapopidhingi yomaudhano.

Omathigathano ngoka oga ningwa onguloshi yOlyomakaya koAvani Hotel koWindoek. 

NBC okwa pitita kepandja lyawo lyomalungula kutya oya nyanyukilwa omupopi goradio gwawo sho a sindana epapa lyomupopidhingi omukiintu gwomaudhano gokomumvo.

Oya shanga kutya, Shapange ogumwe gomaapopi yokoradio, ashuwika nawa omolwa ewi lye lyongushu no ha popi nondjungu.

Shapange okwa kala noku popya omahokololo ngoka haga hili aapulakeni oshowo okutangumuna omaudhano ga yooloka meni nokondje yoshilongo.

NBC okwa popi kutya okwa simaneka noku pandula iilonga ye, okukaleka po oradio yoNBC.

Efano: NBC