Taimi Haihambo
Oshakati – Ngoloneya woshitukulwa shaShana, Hofni Iipinge okwa ti odoolopa yaNdangwa oya pumbwa oshipangelo shakula shepangelo, nokuli meenghundafana na minista wouhaku, nghee vena oku shienda opo vadule oku shipondola.
Iipinge endi okwe ndi popi pefimbo ali tayandje olopota yomasiku ethele oo akala mombelewa onga ngoloneya.
Iipinge okwa ti ye moule wefimbo olo akala mombelewa, okwa talelapo oikondo ihapu modoolopa ngaashi ouhaku, ehongo, ounamapya, eepate nomangeshefelo opedu.
“Natango onda talelapo yoo omalelo edoolopa dakula, di li koshi yoshitukulwa shaShana ngaashi Ondangwa, Oshakati noNgwediva, ndi tale, nghee tadi yandje omakwafo kovanhu ame ndi tale apa tadi nyengwa,” ta ti.
Iipinge okwa ti koshikondo shouhaku okwa didilika kutya
Ngoloneya okwa holola wo kutya okwa didilika omhumbwe, yokapangelo koshikandjo hookolo shaMpundja, oko taka katungilwa oshiwana, onga omaano momukalo woku kwafa ovakwashiwana. Oshipangelo vati ota shi kayandjwa omaano kokambani yedina Ziara energy. Oshipangelo vati osha tengenekwa shikakale shakula, shina neembete.
Kehongo, ngoloneya okwa ti okuna ondunge yoku handjakanifa oiputudilo yopaungoba moshitukulwa momikunda dokoushai.
“Eefikola edi da li dina eepogalama dokutungwa ndele odili ashike ofika, eembapila dinasha nekwatelo komesho loinima ei, otwedi tula peenhele opo di dule oku kwafwa nokumanifwa.
Eefikola edi dapumbwa ekwafo nado oda kwafwa noikwafifo hongo, oku dilila kombelewa yoshitukulwa,” Ngoloneya ta sikile.
Okwa ti natango okwa tuma oipundi noitaafula ili o6 900, okudja koshiputudilo shaValombola ika longololwe.
Iipinge okwa twikila kutya, natango okwa fya oshisho opo epangelo liyandje eemiliona oN$ 149, komalukanda aShakati, di dule oku longa omeva nomalambo ohanya.
Koshikondo shounapya, ombelewa yangoloneya oya pewa eehector dili 8, koshitukulwa shaKatyali odo ahala oku dilongifa mounamapya.
“Ounamapya ou, onda tengeneka ngeno uka yandje oilonga kovanhu veli o15, oshoyo oilonga yopokafimbo ili o50,” ta ti.