Omaudhano goHockey ngoka ga li ga kuthwa ombinga kaanona yeli kohi yomimvo13, oga hulu mehuulilo shiwike. Uuministeli welongo omadhilongo giikalekelwa, aagundjuka nuunkulungu owa shanga kutya omaudhano ngoka taga ithanwa Standard Bank Junior, oga li ga ningilwa kosikola Windhoek High moshitopolwa shaKhomas.

Epapa lyaamati olya yi noGobabis sho ya dhenge Okahandja 2-1 omanga kaakadhona, epapa lya yi noWindhoek, ya dhenge oGobabis 2-0. 

Aadhani oya li ya sindana wo omagano kehe gumwe.

Uuministeli owa ti uudhano mboka owa li wa ende nawa, naadhani oya li yu ulike uunongo wawo, unene koolweetho lwahugunina.