Taimi Haihambo 

Opolifi oya lopota omulumenhu weedula 23 Mbereshu Paulus a aka nifila omwenyo waye molwoodi leebila. 

Paulus vati opamwe noo kaume kaye vanhe, ova li vakanwa poundingosho vopomudingonoko wavo. 

Mananga veli metifa lokunwa eebila pamwe noo kaume kaye, vati okwa dja omulumenhu umwe oo eli omufeekelwa paife, ndele ta tameke okunwa meebila doo Paulus oshali. 

Omupopiliko wopolifi moNamibia Kauna Shikwambi okwa ti Paulus pamwe nookaume kaye, vati ove mupula kutya oshike taninwemo meebila davo ye eina futa? Epulo olo la eta olwoodi. “Eshi va tameka olwoodi lavo, omutonateli womaliko opo nhele apa va li tava ninwe vati okwe va taatayapo ndele tava tameke tava lwile momilaulu. 

Konima vati eshi va mona kutya ove li monifa oiponga, aveshe ova twalwa koshipangelo shaRundu, oko Paulus afika axulifa, omanga omufeekelwa eli momake opolifi. 

Natango moshingwanima shayooloka omwa lopotwa Alex Kondomboilo oo eli tuwa eli mekungu lohonde mokati koixwa moAranos. 

Kondombolo vati okwa li ta ende nakahewa kaye kapaihole tavadi keumbo lookaume kavo, oko vali vaka tokelwa. 

Mondjila yoku shuna keumbo ova shakenamo novalumenhu vatano ovo vati veva kondeka. 

“Kaadona vati kwa djapo eemhita donhumba poshiningwanima, manga Kondobolo ali ta kondjo navo. Konima vati kaadona okwa uda Kondombolo temu ifana kutya okwa monifwa oshiponga,” Shikwambi ta ti. 

Eshi ayapo vati okwa hanga Kondombolo eli mekungu lohonde, yee opo ngaho vati axulifila poshiningwanima. 

Ova pembele voo nakufya aveshe ova shiivifilwa, nomakoaakono opolifi otaa twikile 

-taimihaihambo2000@gmai.com 

efano: Heather Erdmann