Ondado yomahooli itai ka lunduluka omwedi ou 

Ondado yomahooli itai ka lunduluka omwedi ou 

Taimi Haihambo 

Omupopiliko wouministeli woikwamina neenghono Anna Salkeus okwati ondado yomahooli natango itai ka lunduluka omwedi waNovemba. Moule wefimbo okudja 1 fiyo omo 27 yaKotoba, odola yaNamibia okwa li i na ongushu okuyelekanifa no-USD. 

Salkeus okwa ti okudilila komivalu doumisteli, ondado yomahooli opetrol 95 moule womwedi Kokotoba okwa li a shuna pedu neepelesenda 5.5. Omahooli odiesel 50ppm okwa li a shuna pedu neepelesenda 1.47, omanga o diesel 10ppm ya shuna pedu neepelsenda 1.37. 

“Eshi vati tashi ulike kutya odola yaNamibia okwa li Ii na eenghono nopelesenda 1.0 kee-USD,” Salkeus ta ti. Okwa twikila kutya ondando yomahooli opetrol momwedi Novemba otaa ka kala e na N$20.37 koliitela. Omahooli odiesel 10ppm otaa ka kala e na N$20.02 koliitela. Vati eendado domahooli moWalvis Bay natango nado itadi shendje. Omahooli opetrol otaa kala e na 20.37. 

Omanga omahooli odiesel 50ppm taa ka kala e na 19.92 koliitela, oo omahooli odiesel 10ppm otaa ka kala e na N$20.02 koliitela. Salkeus okwa ti omunisteli otau ka fya oshisho kutya omahooli moshilongo itaa ka kolota, notaa ka landifwa lela kondando i shi okulineekelwa oyo itai teya po ekonomi loshilongo. 

-taimihaihambo2000@gmail. com