Lahja Nashuuta 

Opolisi moshitopolwa shOshikoto oya tula miipandeko omulumentu gwominvo 19, shi na sha nedhipago lyi nyanyeleka lyayinakulu nosho wo hekulu. Oshiningwanima shika osha longwa mOmaandaha momukunda Oniihwa B. 

Okuzilila kuuyelele womepeko lyopolisi, otaku hokololwa kutya aakulupe yoomvula inadhi tumbulwa oya si poshikando nosheetithi shoshikumithalonga shika inashi tseyika natango . 

Omakonakono gopolisi onkene natango ge li metifa. 

Ngoloneya gwoshikandjohogololo Oshikoto ngono kwa li gumwe gwotango okuthika poshiningwanima okwa li a gandja omahekeleko kaakwanezimo yoonakusa mbaka yaali. Moshiningwanima sha yooloka, otaku hokololwa wo ekwatokoonkondo lyomukiintu gwominvo 19. 

Otaku hokololwa kutya omulumentu goomvula inadhi tseyika okwa li a kwata omukiintu nguka koonkondo pethimbo a li e mu etelwa kuyina nelalakano oku mu kwathela niilonga yomegumboly. Papeko lyopolisi, otaku hokololwa kutya omulumentu nguka okwa kwata omukiintu iikando iyali noku mu pa epunda. 

Oonkambadhala dhopolisi okumanga po omukiitu nguka odha li dha hulile muunyengwi. 

Okuzilila koshikandjohogololo shaKongo, otaku hokololwa kutya omulumentu goomvula 25 a li a dhenge omulumentu goomvula 26 nekende lyombiila ndele eho tali nuka mo. Oshiningwanima shika osha li sha ningilwa pomukunda Ondema puukefe. Omuningi gwoshikulumuna shika okwa mangwa po.