Taimi Haihambo 

Shiyenga shaNangobe oyo ya li ya denga omata a pama pedu mexuliloshivike, natango oya teelelika i ka diinine moshivike omu. 

Ngeenge tashi ya koshipolwa shanooli povakulupe vahapu ova tameka nale oku ka kala ve na omukumo tava ti omuloka woneudo fiyo omodula tai uya ou na okukala muwa, omo vahapu va tameka nale okuninga mhuku ndede litetuka manga eelu inali ya. 

Kristina Kulipi omunamido 65 okwa ti ye okwa tameka nale okuongela oufilinga vaye, a ka konge eembuto daye manga kuyela. 

“Leenda ongula olo ngaho li toola oshima. Odula ya dja ko otwe litetuka lela diva, ndele omuloka eshi we ke ya otwa li twa mona mo eteyo li etifa eenghono,” ta ti. 

Okwa twikila kutya eemwedi edi dokexulilo lodula hado vali domunhu ta tula oimaliwa meetombo, osho yo moinima ihe na lela oshilonga. 

“Edi odo eemwedi dokupungulila ombakumbaku, eendjabi domomapya osho yo okulanda eembuto manga pepi,” ta ti. 

Katokote mokuyandja ouyelele u na sha nonghalo yomhepo moNamibia Odillo Kgobetsi, okwa ti oitopolwa imwe yomonooli ngaashi Oshakati noNdangwa oya teelelika i ka kale ya lokwa odula yoshikungulu. 

“Dimwe domeedoolopa danooli natango oda mona nale odula ihapu mexuliloshivike, ashike yomafiku aa oi na oupu i ka pit epo pwaayi yomoshivike omu,” ta ti 

Mexuliloshivike odula oya li ya denga omata pedu koTsumeb, tai ya mOshakati osho yo mOndangwa. 

-taimihaihambo2000@gmail.com