Omuthiya-makero gokusika ko 10 vaga mborora nokugatura garugane momukunda horowero gwaNehale Lya Mpingana omu navagusapo udigu momukunda gwaOshikoto. 

Apa nye kahuyungire mosigongi sonkarapamwe moutano kaupwire, nguuru komukunda Sacky Kathindi, katente asi makero aga vamana nare po Elavi, Onalusheshe Werner, Emanya, Okamanyona Okambakana, Nakapunda, Emanya east, ntani Oshivambi One, Oshivambi two, ntani Oshivambi three. 

‘’ Epangero kuna kurugana moomu lyavhulira mokutura asi makero nagenye aga mema kuna kupita pwahana malirango. 

Ose twayidimburura asi nkarapamwe kuna kara kwahana mema gomawa gokunwa, nye natugava mpito kwava vana kara asi kuna kuhepa unene tuvavatere, Elavib, Onalusheshe Werner East, ntani Emanya West, evango eli vana tura asi yilyo nalikara lina kukwamako opo vana kuruganena mema vaganwe vantu. Yimo ana kutanta Kashindi. 

Kathindi kagwedereko asi udigu womema kuna kuguma mukunda nagunye eyi yina kuninkisa vantu vagende sinano sosire vapapare mema ano yimuna yawo kuna kugwanekera noudigu morwa kapi yina kugwana mema. ‘’ 

Mukaro gwangesi kuna kuguma vantu navenye meoparu lyawo, ukanguki ntani erongo nokonondja kooku, yimo ana kutanta Kathindi. 

El ihames eremo lyomukunda Oshikoto kuna kuhamena mema omu epangero talizi likamborore makero 100 momukunda nagunye monomvhura nye 5 dogoro konomvhura 15 ngoso. 

Elikwamo lyangesi hawe naligusako udigu womema, awo hena tavagawapukurura gawape mokugamwa vantu. 

Kathindi katente hena asi Namwater kuna kugava mema koOmutsegonime King Kauluma Water supply project ezi vana kugazara zikapwe mo 2025-2026, omu nye navakazimanenena mo 2027. 

Projeka zangesi kuna kuzigazara zikagave mema kupitira monomuliu dokusika ko 227 kilo omu nadigava mema ko 15km nokugava mema komambo gokusika ko 589 novatungimo 5900 ngoso. 

Kathindi kahuguvaresere vatungimo asi epangero kuna kutara udigu womema pontambo zokuzeruka awo hena kuna limbiurura pangenderera, nokuyiwapayika yipo asi vagave sirugana sina wapere kovantu nokugava uwa wokukarererapo.