Yana beleka kwa kampani ya Global Fund, ili yanyaziwa kamulatu wa kubulaya yanali folomani wa hae, ni kuholofaza yana beleka ni yena, kanako yakukunupa mwasilimo sa 2019, uka tatubiwa mayemo amunahano wahae. Muyemeli wa Simataa Simasikiu wa lilimo zemashumi amalalu kazetalu, Vincent Lutibezi, natahisize kupo mwa Khuta ye Pahami fapila muatuli Christie Liebenberg viki yefelile, kuli khuta ilumelele Simasiku kuyo tatubiwa mayemo amunahano. 

Lutibezi ubulela kuli kumubela tata kuikabota ni Simasiku. “Hala zeñwi, uzwelapili kuni bulelela kuli liñusa la kompiuta lene liuzwizwe litalusa kuli uamuhezi tifo ya masheleñi alikana bolule bamashumi alobañwi (N$90 million).” Muatuli Liebenberg nanyatezi kupo, mi naize Simasiku uswanela kuiswa kwatatubo ya munahano kamazazi amashumi amalalu. Kaku ekeza batatubi bamunahano kuzwelela kwamuuso ni kwamukunda baswanela kumutatuba. Kacwalo khuta neisize taba ya hae la 13 Muyana. 

Mushemi wa bana bababeli use ainzi mwa sitokisi kuzwa la 28 Sope 2019, kasamulaho akuikisa kwa siteshini sa mapokola sa Wanaheda, nakonyana amano kunupa folomani wa hae Sara Mwilima ni Ester Amupolo. Mwilima nasika banduka, mi lifu la hae neli nyatezwi fasibaka sa kezahalelo, mi Amupolo yana kunupilwe mwa mulala nabandukile. Kanako ya kukupa kulibelela muzeko kwanda sitokisi, Simasiku nakile apaka kuli naisileleza hane akunupile liezwa. Napakile hape kuli hana kuitumelela mafosisa muzeko hauka ungeka mwa Khuta ye Pahami.