Taimi Haihambo
Omupilima minista Elijah Ngurare okwa ti oshitukulwa shaKavango West oshi na omikunda 43, odo da wila koshi yoshikandjohoololo shaKapako, notadi mono oixuna kondjala.
Okwa ti omikunda edi o dili da taalela omashongo ngaashi enota, ondjala, omhumbwe yolusheno nai kwao ya wedwapo.
“Epangelo ota li kondjifa lela okufila oshisho ovanhu sho yo okuwanifa po eemhumbwe dovanhu nokuyandja omakwafo ngaashi ta shi dulika,” ta ti.
Okwa ti oovene vomikunda ova pewa oshinakuwanifa shokuyandja edu komukwashiwana keshe momukunda, opo va dule okuninga oikunino yavo, voo va dule oku li palufa voovene, mwa kwatelwa eeminhito doku yandja oilonga kovanyasha.
“Onde lineekela ove shiwanifa po, nongeenge ina ve shi wanifa po, na ve shitule moilonga shaashi ovanhu otava mono oixuna kondjla,” ta ti.
Okwa ti ngeenge edu ola yandjwa oikwafifohongo aishe oi li komapepe epangelo.
Ngurare natango okwa indila eepoloyeka dokufa eembola kepangelo, opo ovakwashiwana va kale hava kunu oihape yavo, noingumutulu ve li palufe.
“Ei otai kakala yoo omhito iwa ko vanyasha ava ve li hongela ounamapya, no ve li ashike momaumbo vehe na oilonga opo va dule okumona oilonga, osho yo okudeula ovanhu, nghee vena ok etapo oikunino yavo,” ta ti.