Lahja Nashuuta
Kampani zokudika mambo moNamibia zedina National Housing Enterprise (NHE) kavageve mbudi asi awo kuna tulire ntere yimaliwa yokusika ko N$15.6 yonomiliyuna omu vana kukadika mambo gokusika ko 54 moOshakati zokomuzogo (ndi omu nye validiva asi Ehenye).
Apa nye kahuyungire posiruwo sokutameka projeka ezi sivike sina puko, NHE mukurona gendesi gomatungo nekuliko, Indileni Set-Sam Iipinge, katente asi projeka ezi, kwazigava nye konokampani ntatu, awo kuna kugazara asi vahepa kumana kudika momakwedi gatano, kuna kukamana kugadika mo 17 April 2026.
Age kagwedereko asi ekuliko lyangesi ngalitulisapo yirugana yokusika ko 100, eyi nye ngayigava uwa kovatungimo vagwana yirugana ntani kukambekako koekonomi lyomomukunda. ‘’
Eyi kapi yina kara tupu asi nampo kuna kutameka nekuliko lyepe, nye kuna kutwikira omu NHE ana manamo agave mambo gomawa kovaNamibia,’’yimo ana kutanta. Iipinge katente asi mambo aga nagalisi mo 38m2 dogoro mo 69m2 , omu nye vanayitura asi vahepa kugatunga gava ava gwana nzambi zonunu ntani wopokatji. Age kagwedereko asi kutunda tupu mo 2019, NHE kwamana kudika mambo gokusika ko 200 mo Oshakati Ekuku modoropa, noyimaliwa yokusika ko N$78 miliyuna. ‘’ Elikwamo lyangesi kwakara asi lyomutaro moOshakati awo kwadika mambo aga momalikwamo dogoro mavango gamwe kuna kugatumbura asi NHE modoropa ndi asi NHE tupu yimo ana kutanta Iipinge. Mokugwedako, komambo aga 54, Iipinge kageve mbudi asi mo 15 May 2025, ndango zodoropa zaOshakati kwagava evango lya Ompumbu ext 3 kwaNHE, omu muna hamene 237 erven omo nye muna kara 228 kuna kara asi no erven dokudika mambo.
Ano mwaJune, ndango zodoropa zaOngwediva kwageve evhu lyokusika ko 260 vapira kukulika vadikirepo mambo gokutunga vantu po Efidi ext 6 kwaNHE. ‘’
Ose kuna kuruganena kumwe nondango zaOngwediva omu nye natukatara asi vangapi vaturamo mahundiro gomambo mo Efidi ext 6, yimo ana kufaturura. Iipinge kayinkodopekere asi no erven 70 mo Oshakati Ompumbu ext 3, kwalisiga nye ngavadikirepo mambo gava vana kara asi vagara novakadi momudwaro gokulifana ndi asi vaporosi novakwayita.
Age simpe katente asi eyi nye vatura mounzi wayo mukare asi moOshakati ndi Ongwediva ngesi kuna kukagendera pontambo peke. ‘’
Apa nye nayikara asi mafaneko vana gapulisire, makura kutunga nako tukutameke, omu nakatunga no erven 488, omu vana kumona asi kukagusapo udigu ou womambo,’’ yimo ana kufaturura.
Ose kuna hafa unene omu ndango Oshakati vanalituramo mokuvatera vantu nomuvana kugava evhu tudikepo mambo gana siki ko 54. Eruganeno kumwe eli kuna kara nye sihonena sosiwa omu ndango eyi natuvhura kutompora nondango ntani NHE mokuruganena kumwe vagwanenemo mauwa vantu vetu.
Iipinge yimo ana kutanta. Age karuganesere mpito ezi mokuhundira nondango dimwe donodoropa vakwame sihonena saOshakati vagave evhu koNHE vadikirepo mambo. –inashhuta@nepc.com.na