Konyala aantu oobiliona ndatu muuyuni mboka ye li moluhepo lwamatutu naya pewa iiyemo yopakathimbo opo ku kwathelwe okukeelela etaandelo lyomukithi gwocoronavirus, osho ehangano limwe lyIigwanahanano lya ti ngaaka. Sho omwaalu gwaantu mboka ya kwatwa tagu ende tagu londo noonkondo miilongo opo tayi putuka, opwa pumbwa omikalo dhokugamena aantu mboka ye li moshiponga meendelelo, osho olopota yo-UN Development Programme(UNDP) ndjoka ya li ya pitithwa mEtitatu ya ti ngaaka.

Oshimaliwa sha thika poobiliona US$199 komwedhi otashi ka vula okupa aantu oobiliona 2,7 niiyemo yopakathimbo osho wo ompito yokulanda iikulya nokufuta omayakulo guundjolowele osho wo oosikola,” olopota tayi ti ngaaka.
Omukithi ogwa eta evundakano miilongo opo tayi putuka sho aantu oomiliona haya longo meliko inaali gamenwa kepangelo, noyendji ihaya mono omauwanwa gomapangelo nenge omayambidhidho gasha.

“Omakwatho osho wo oondungethaneko inadhi kwatela mo ashike omaliko omanene noongeshefa oonene. Opwa pumbwa iiyemo yopakathimbo opo omapangelo giilongo ya yooloka ga pe aantu mboka ye li mepato okampito kokufudha ngele tashi ya koshimaliwa.”
Iigwananhangano oya londodha kutya otashi vulika aantu oomiliona 1,67 ya se miilongo 30 mbyoka iithigona.

Oshikumungu shomukithi nguka osha thiga aantu oomiliona ya kanithe iilonga yawo.

-Nampa/AFP