Taimi Haihambo

Vamwe vomovakalimo vokomukunda Ongha yaNanghonda moshitukulwa shaHangwena, ova pangela opo noneudo va ongalife ovakulupe pombala yOvakwanyama moshitukulwa shaHangwena.

Omupopiliko woshitunda shOvakwanyama Andrew Naikaku okwa ti omadimbuluko aa okwa nuninwa ohamba Martha Mwadinomho yaKristian Nelumbu, a hafele pamwe novakulupe vakwao.

“Neudo okomitiye ei i na oshinakuwanifa shokuninga oshitufi eshi oya ti Ohamba Mwadinomho oya teelelika i ka tyapule pamwe novakulupe vakwao,” Naikaku ta ti.

Ovakulupe ava ova teelelika vati okudja peedula 70 okuya pombada, shaaashi vati ovo vepupi laye. Naikaku okwa ti okuhanganifa ovanhu, unene ovakulupe ava ihava dulu vali okunyangadala unene. “Otashi tandavelifa ohole, oukumwe osho yo elongelokumwe pokati kovanhu moshitukulwa,” ta hokolola.

Ovakalimo vomoshitukulwa shaHangwena ngaha hapo lwotete tava ningile ovakulupe okili, vati ohave shi nigi noshito. Monale ovakulunhu ova kala ovo hava kwatele komesho oitufi yoludi eli, ndele paife ovanyasha ovo ve i kwetele komesho, osho shiwa okutala.

Naikaku okwa ti natango efiku loshitufi lofaafaa inali popiwa, ashike otaku fekelwa ngaho pomafiku 6 Desemba 2025 opo.

-taimihaihambo2000@gmail.com