Taimi Haihambo

Ovandangwa nena ova teelela oudano wakula weengonyo ou tau ka kala pokati kaPaulus Shimweefeleni, oo a shivika nawa nedina Ninja osho yo Hadison Bulelo.

Shimweefeleni naBulelo ova teelelika ve ke likwate poudano weengonyo nena mo21 Novemba, ponhele yomalihafifo hai ufanwa Ekamuti Lodge mOndangwa, moshitukulwa shaShana.

Omuunganeki nomushivifi woshiindingili eshi Jackson Da Silva okwa ti, Shiweefeleni aveshe naBulelo, ova kala noku lipyakidila nomadeulo kamana, oule woivike ya dja ko opo va dule okuuya va mwenyeke oshiwana shaNdangwa.

“Keshe efiku ove li kogym tava deulwa, vo tava ufena opo va dule okweeta oudano u na omwenyo,” ta yelifa.

Jackson okwa ti, mongula ita ku ka kala ashike ku na eengonyo, natango otaku ka kala ku na ovashikingalo tava mwenyeke oshivilo.

“Ovashikingalo ava twa teelelwa va ka mwenyeke oExit vo naYoung T. Natango otaku ka kala yo ku na omamwenyeko a yooloka oo taa ka etifa oshivilo omwenyo,” ta yelifa.

Okwa ti, outekete vovakwashiwana ove na N$50, vee VIP N$2 000, omanga oshitaafula shavahamano shi na oN$6 000, notava hangika kEkamuti Lodge mOndangwa.

Jackson ota ti ota indile oshiwana shi ye shi ka tale.

-taimihaihambo2000@gmail.com