Matheus David
Windhoek- Horname Noagbesenu, Omukulunhu-wiliki mehangano loWomen, Youth, Peace and Security koKAIPTC moGhana okwa ti aalumenhu oonghee ngoo va ninga oshihakanwa shomahepekafano oukwashike-kookanhu mounyuni.
Eshi okwe shi ye lifa meenghundafana davo noNEW Era pefimbo ali moNamibia. Okwa ye lifa kutya omahepeko aa ihaa ta li kako onga afimana kovapolifi, ovapanguli, ovanawino ovo hava yandje omakwafo opamadilaadilo osho yoo ovaleli vopamifyuululwakalo. Ne fimbo limwe ovakonaakoni voikumhungu ei ka vena naana oilongifo ya wana kuninga omakonaakono ofaafaa.
“Ovamati shima tava lopota va ningilwa ominyonena, osha tali kako onga ouvaya na vamwe oha vati omunhu ota kondjifa oushenge. Ovakulunhu vamwe po meefamili oveshi talako onga oshipopiwa shomeumbo noinashifimana okuhokololwa pondje,” Noagbesenu tati.
Omapekaapeko a ningwa kehangano loKofi Annan International Peace-keeping Trainingi Centre(KAIPTC) muAfrika aa ulika kutya ounonamati ovaningwa oshihakanwa shomahepekafano ndele I have shi kamuka. Nonande omahepeko oukwashike-kookanhu a kwatela mo ovakeinhu, ovalumemhu osho yoo ovanhu tava lumbu noulema, ovalumenhu I nave li neekela oveta ei ya tulwa po shaashi oya ta li kako hai longo kombinga imwe.
Dawid Gertze, ngoloneya wa //Kharas okwa yelifa pefimbo ledimbuluko lefiku lootate mounyuni olo la ningilwa moshitopolwa sha //Kharas metitatu lomafiku 19 a Novemba 2025, tati okuxumifa komesho ovalumenhu kashifi okuva yeleka novakainhu, ndele okukalekapo oufikepamwe moshiwana. Okwa kunghilila ovapambele, ovakwashiwana, nomalelo a yooloka a tule oukuni kumwe nokuyambulapo okaana kokamati koo ka mone onaakwiiwa ili nawa.
Elrico Slinger, okudililila kopolifi oyo hai konaakona omahokololo mo//Kharas ota kunghilile omakanda e li ka leke kokule nokuninga oimbuluma. Okwa ti shama wa kufwa omanyala moshibofa shonhumba ihaa dimhwapo nonghee ohaa ka keke ondjokonona yomuningi, nomafimbo amwe ohashi imbi uxume komesho monakwiiwa.
Omudeakoni waRoman Catholic Church moKaiti ta londwele ovatonateli va file ounona voumati oshisho, kudja pe pupi lopedu nokuvaudifako kutya okuninga ominyonena kaifi ekandulepo lomaudjuu ndee elundalalekepo lomikundu. Hano ovatekuli vounona pamwe novalongi osho yoo ovakwashiwana vopomundingonoko nava mange oukuni kumwe voo va putude oumati nomhepo yeduliko.