Matheus David

Choppies Namibias ge ǂoa ge wekheb !nâ ǁnāti ī proxrammi, ǁnā !âb ǂharugub dib !nâ ra ǁkhāǁkhāǂuisentoa studentn, xawe sîsen-e hōs ǁgoaǂuidi !nâ hâna huis diba ǂhanusise ge ǂanǂan.

Choppies Namibias di Sîsenaon !âb di danab, Wilka Leonardi ge ǁgui!ā tsî gere mî, ǂauna student ǁîn di ǀgapi ǁkhāǁkhāsen!khaigu di ǁkhāǁkhāǂuisendi, universitaitdi khao!gâ sîsenhōs xa ra ǂhaomâihesa. !Nāsa sîsen!khaigu ra ai!âkam sîsen ǂan-tsî-hō!âsa ǂgaoǀkhā amaga. Molatedi Kgotlab, Choppies !Nans di danab ge ge mî, ǀnain ǁ­îna nēti ī proxramma Btswanab !nâ ūhâsa. ­îb gere mîs ge, ǁîb tsîn ge nēti ī sîsenni !nâ ǂansa hōs proxrammi !nâ !âs ǀkha sîsentsoatsoa tsî nēsi nē !haros ǂgaeǂguis dis kōse ge sī !khaisa. Kgotlab ge mîs ge, Botswanab proxrammi ge stordi danan, mûǂamaon tsî noxopa ǀnî !harodi sîsenaona a ǂnuwi !khaisa tsîs Choppiesa Namibiaǁîn !aromas tsîna ǂkhamkhoena ǁkhā !ēsa mā ǂgaosa. ǁÎb ge mîsa !oa ra ge Triumphant College tsî International University of Managements hâra a ǂguro nē proxrammi !nâ !âǀhuru-aose ra ǁhao ra. ǁKhāǁkhāǂuisentoa hânab gere mîbas ge, Choppies ge ǁîna a ǁhûiǂuiba !aromas, ǁîn ūhâ ǁuiba xu hâsa. ǁÎn ge !goaxa kurib !nâ !kharaga departementdi !nâ nî sîsentsoatsoa, ǂgaiǀons ai stors tsēsa xu tsēs ǁga hâ sîsenxasigu, ǁamaǂgans tsî mātares !âb, mariǁhōn tsî ǁama-aona !khōǂhomi tsî !oabade mās tsîna.

Nausan ǁgoaǂuina sîsenni !nâ hâ, xawen ­ǁîna nēs !nâ-ū nî dpmdores ge, mâtib ǁamaxūb ǂharuguba ra sîsens ǂnamipe ǂhâbasa ǂans tsî ǁkhāsiga hōsa. Kgotlab ge ǁkhāti Choppies Namibias ǂgaeǂguisa koasa ge mā, nē proxramma ǂkhâ!nâ tsîn ge mîǁguiba a ūsa, nē ǁkhāǁkhāǂuisentoa hâna nî daoǁgause īs !aroma. !Nāsa sîsenmā-aon ra mîs ge, ǁkhāǁkhāǂuisentoa ra student !augab di ama ûib tsî sîsenni di ǂgaoǀkhādi ai dīǀoaǀoa tama ra isa tsîb ǁnā-amaga nē proxramma ǁnāti i !nubusiga ǂan!gâ tsî huiba ra māsa. Ai!âb ǁîba ge mîs ge, Choppies di mîmâis nē ǂkhamkhoena !ēsa māsa tsî ǁnās ǀkha !hūb di sâuǁkhāsib omkhâis !nâ !âsa.