WINDOKO – Likhuta zetalu neli kwalilwe viki yefelile Labulau kamazazi alishumi ka amane, kasamulaho babeleki babalalu nebaswalezwi kakokwani ka Korona. Likhuta ze nyinyani za Katima Mulilo ni Katutura, hamoho cwalo ni khuta yebona zamilatu ya famukwakwa neli kwalilwe swalelele. Liñusa lene lifilwe ki ofesi ya mulao, kukwaliwa nekutile kasamulaho muatuli yomunyinyani kwa Katima Mulilo, ni muzekisi wa muuso kwa Katutura nebaswalezwi kakokwani ka Covid-19 la 24 Sikulu 2020. Sibuabui wa ofesi yebona za mulao, Ockert Jansen, natolokile kuli kukwalilwa kwakhuta yebona zamilatu ya famukwakwa nekutahile kasamulaho sifosi yakulubelwa, yana bonahalile mwa khuta la 20 Sikulu, naswalezwi kakokwani ka Korona, mi nekubihilwe kuli nabile bukaufu ni babeleki ba mwa khuta. “Kacwalo, ki swanelo kubona kuli likhuta zebulezwi likwaliwe swalelele, kuli likeniswe ni kuli babeleki kaufela bane babile bukaufi ni baba swalezwi kakokwani batatubiwe,” nekutolokile Jansen. Yomuhulu wa likhuta ze nyinyani Philanda Christiaan, naize khuta yenyinyani ya Walvis Bay ika siala ikwalilwe, ilibelezi babeleki ba makete kuyo ikenisa. Naize mizeko kaufela ya lifosi ika iswa kwapili baba nyazwa basiyo, mi mazazi amanca aka fiwa kusina kuya kwa likhuta. “Lukandekile ni belubeleka ni bona mwa ofesi ya mulao, kuli kukwaliwa kwa likhuta kusike kusitatalisa baba nyazwa,” nekubulezi Christiaan. Nihaike buñata bwa litaba lilimanisizwe mwanako ya kukwalwa kwa likhuta, milelo yeñwi iezizwe kuli litaba zeñwi liezezwe sicaba. Bañoli mwaliofesi zetalima litifo za mabasi ni likomano, baka belekela kwa ofesi yetalima zalipilaelo za sicaba (Ombudsman) mwa Katima Mulilo ni Windoko kanako yakukwala, kutusa baba bata kuyo lifa, nikuyo kupa silelezo ya khuta. “Sicaba sihupuliswa kuli milao yetokomela ika hatiswa, kacwalo likhuta kaufela mwanaha ni sicaba bakupiwa kulatelela,” nekubulezi Christiaan