Keetmanshoop – presidente gona gosirongo Lucia Witbooi katente asi kwato munonagona napira kugwana erongo kukwama oku ana kara ndi oku vatunga. Witbooi kageve nonkango edi opo nye kavakatulire paveta projeka zina kara posure zaSuiderlig secondery school (her Alma Mata) modoropa zokomuzogo mosikondovike kasipwire. 

Nayinye pokumana murarero kavakere nago ogu kagugenderepo nawa, ose kuna wiza kapisi asi kuyadiworoka tupu nye nokuyadikapo yoyiwa unenen, kapisi asi kuna kuyatara tupu eyi yahoroka nye nokuyadimburura asi twahepa kuturapo ezo komeho, yimo ana kutanta. ‘’ Ose eyi tuna kurugana nayinye kapisi projeka tupu zosure; ose kuna kara neganao asi yahepa kukara yosirongo, epopero ntani vaNamibia gona vahepa kuvatekura kuhetakanena. 

Age nawa nawa kuna kudiworoka apa gakere munonagona, Witbooi katente asi age kuna hafere sure ezi, age kasikeme nye opo nelinunupiko ntani nomukaro asi yina mugumu unene. Evhu eli lyawapayika nge, nonkondwarongero hawe daretange niyakare ngesi. Mukudiworoka nye ava tuna kurugana nawo elikiwamo lyangesi muna hamene, Namport, Debmarine, Anglo Amerika, Sola Kwetu, ntani nguuru gwanare gwaOhangwena Usko Nghaamwa, Witbooi katente asi ekambekoko kuwoko kuna kumoneka asi erongo kapi lina kara tupu asi sinka sepangero nye kuna kara asi sim=nka setu natuvenye kumwe novanagesefa vetu. 

‘’ Yipo nye asi amen ani muhundira, kumwe novatungimo monomukunda edi Hardapi ntani // Kharas vakeverere matungo gawo aga, vayimone asi yawo, yimo ana kutanta Witbooi. 

Sanet Steenkampa, minitera gerongo, katentye asi projeka ezi zokuturako darate ntani kudika evango lyokurara vanasure kuna kara sirugana esi vana kukeverera navenye, omu vana hara asi tukare noyiruganeso yina wapere. ‘’ Sinka serongo ntani kukeverera vanona vetu kuna kara nye sanatuvenye, makura ame yipo nina kuhundira nokampani dopaumwene, dina kara mekuliko ntani nkarapamwe, nanatuvenye pwanyamwetu, tulihamesere merongo lyovana vetu, yimo ana kutanta ministera ngoso. 

Mononkango dindi dokutambwiramo vagenda, mukurona gerongo momukunda Nicolaas Eiman, katente asi sihorokwa sangesi, kuna kupandura ava vana lituramo yikare asi eyi vagazara yinazi mouta wakora. 

‘’ Ame kuna kuhundira vegendeso, erongo ntani wokugendesa sure, ntani nonompitisili donomukunda, asi vatwikire ngorooro kugava magano omu nayikara asi nayinye oyo yahepa kukara asi vana vetu tavagwanenemo mauwa. Mukukwateramo varongwa, mukurona gwawo vanasure, gomumati, Remind Wanailongo kageve ruhafo rwwo rorunene kwanavenye ava vana gonona kuwoko, vagave kosure mwankenye rupe. ‘’ Ntani yina kara mulyo mokumona asi vanagesefa vetu nawo kuna kuvatera epangero lyetu vatwikire ngorooro. Yimo ana kutanta. -sklukowski@nepc.com.na