Osipana yakula yaNamibia youdano womokambaba oyo hai ufanwa Desert Jewels oya ka kufa ombinga moudano wakula muAfrica womokambaba koLilongwe shaMalawi, oo wa tameka oshivike sha dja ko, notau lotoka fiyo omo 14 yaDesemba.
Eelopota okudilila kovalopoti voudano, otadi ti ovadani vaNamibia fiyo opapa otave shi endifa nawa, omo noku li Namibia a fiyafana ofika naKenya noitwa 42-42.
Umwe womovadani dingi vaNamibia Loide Hanyanya oo ta denge omatanga omokambaba koMalawi shihe fi oudano, okwa lukwa nokuli “Player of the Match,” osho ta shi holola kutya omudani dingi.
Desert Jewels koLilongwe oi li ko tai kondjifafana noilongo ya fika po10.
Oilongo ei ya ka kufa ombinga ongaashi, Malawi, Namibia, South Africa, Uganda, Zimbabwe, Kenya, Tanzania, Eswatini, Kenya naBotswana.
Omukwatelikomesho wetanga lomokambaba waNamibia Juanita Witbeen, oo a li a dengwa pedu koshikando shotete Nambia eshi ali adengwa ku Zimbabwe 48– 36, okwa ti Namibia hasho emushi ngaho.
“Kandi shi kutya epuko oli li peni, ashike Namibia ota dulu okupitilila po opo. Ovadani onda hala va dane ngaashi have shini ningi kwinya keumbo, vo ina va hepununa eshi
oilongo ikwao tai ningi ta ti,” ta ti.
Ovakufimbinga moudano ou okudilila koilongo ya yooloka ovamati aveshe noukadona.
Omupresidente osho yo omukwatelikomesho woudano womokambaba waArica, Rebbecca Goagoses, okwa holola ehafo laye nomukumo oshoyo omalongekido aeshe koonono oshiindingili nghee taa ende nawa.
“Okondinende oye lilongekidila oudano ou, novakufimbinga otava ulike lela ve na omukumo, nohokwe kutya otava findana,” ta ti.
Okwa twikila kutya oudano woludi eli odula ya dja ko owa li wa ningilwa moNamibia, notwe linekela kutya Malawi ota ka ninga xwepo naye neudo.
“Ohandi pula oilongo ya Africa i hangane, mokusapota nokumwenyeka ova kufi mbinga,” ta ti.
Goagoses okwa yandja olupandu laye kepangelo laMalawi eshi lakufa ko oshinakuwanifa neudo shoku kwatela oudano ou komesho, nota pula oilongo ikwao nayo itunge oupale vayo ngaashi Malawi, voo va kale hava unganeke oilongo ngaashi Scotland, New Zealand na Jamaic.
Omupresidente nomukwateli komesho woudano ko Malawi, Vitumbiko Gubuduza okwa ti aishe oili peenhele, nova longela nawa kumwe noilongo ikwao opo veshi pondole.