Ombaanga yoFirst National Bank (FNB) oya ti, otayi tsikile okuyambidhidha omaudhano goWomen’s Super League (WSL), omimvo ndatu dha taalelwa.
FNB okwa tseyitha ngaaka sho ya shainununa etsokumwe lyawo nomaudhano gomaudhano goomeme, gedhina Women Soccer League (WSL) omimvo ndatu komeho.
Oya tameke noshimaliwa shoomilliona N$3,127,924 shoka tashi kala tashi topolwa okuza moomilliona N$9,3 uule womimvo ndhoka ndatu.
Oya ti, eshayino ndyoka olya tsikila ashike kwaandyoka kwa li lya shayinwa tango momumvo 2023.
FNB okwa kwashilipaleke okutsikila okugwanitha po shoka ya tameke nelalakano lyokuyambidhidha omaudhao ngoka.
Omaudhano go-WSL oga pandula ombaanga ndjoka sho tayi tsikile okuyambidhidha opo ya tsikile nomaudhano gawo.
Taya ti, otaya ka longitha oshimaliwa shoka ngaashi shi na okulongithwa okuhumitha komeho omaudhano osho wo okugwanitha po oompumbwe osho wo okukandula po omaupyakadhi taga shunitha monima omaudhano ngoka.