Katima Mulilo – Muuna wa lilimo zemashumi aketalizoho ili muzamaisi kwa Katengo katolopo ya Katima Mulilo, nalibelezwi kunonahala mwa khuta ya sikiliti Labune, hala milatu ya kuzuma lifolofolo ze silelelizwe isi kamulao, ni kufumanwa alongile nama asina liñolo. 

Zeo litaha amano tamiwa la 10 Ñulule 2025, kwa museco wa Liselo mabapa ni Katima Mulilo kanako ya 03h18, amano fumanwa alongile naha yanaheñi asina liñolo. 

Mapokola neba ize museco wakamita fa sibaka sa museco nosinuzi nama yana longile mwa motikala yana kwaeza. Hala zeñwi neli nama ya likwali liliñwi, mutobo ulimuñwi, liko zepeli ni bo maiwiye babane. Motikala ye sweu ya mufuta wa 4×4 Toyota Land Cruiser SUV ya nombolo N 217-667 W niyona nengilwe ki mapokola.