Ozombuzovindimba hapo otjikuaye no rukeeveze? Eepuriro nai ndi ma riso kutja rainganga mokati kotjiwana tjozondekurona zOtjitiro Otjindjandja. Omayuva womasuviro inga otjiwana nokuhoko nozondekurona zOtjitiro Otjindjandja tji ma ze suvisa umwe wo va tjevere wazo na ngwee tji hakayenisa kuna ozombepo zovati novakuru Ondangere Katuiisa Rukoro. 

Ngwa tiere okutoora ouyenda wokokure ku ka hakotokwa. Poo ovati novakuru otjikando itji mbe mu varerekere no ku mwiisana kutja me kevepe ondjerere nondunge, tjinene moruveze oruzeu indui otjiwana nomuhoko nozondekurona zOtjitiro Otjindjandja. Imba ovandu ovaheka mbahekerwa ku imba mbahuka ominyo kombunda yondando yoku ve yandeka otja kondando yOtjihoromende tjOhuurire tjEhi rOvandoitji. Oyo ndja tua ondando indji mo maunguriro nEraa rOmayandekero ndayandjerwe poruveze tjingero oro nai ndu ma ru tjiukwa otjo Zombuzovindimba. 

Ozombuzovindimba ozombura zopopezu tjinene zeee ku tjiukwa mo 2004. Epaha ra Tjiute tjaa rizemburuka ozombura esere zEraa rOmayandekero waro. No tjijtitwa otjimbwandangoma tji tja pOtjozondjupa tji tja yeta ouye nomauye nozombara nozombara. Oruveze rumwe ku kwa iwa momazemburukliro inga Ozombuzovindimba mOkarukondua kOmatoororero ka Tjinene. Ozondekurona nda irembo paa ze sesura ovina pekepeke tjimuna ovitekero vyo zo nyungu. Posiya muvyo avihe omatupa wovati. Owo nga wongerwa mongungu imwe oyo kundinondi ndji pewa ondjozikiro yapeke. Ovimbumba ombura aihe nambano tji ma vizemburuka era indi otja ndja rira ombazu norupa rongondjero yozondekurona okupaha otjisuta kondjuriro yazo mena rEraa rOmayandekero wazo. Tjingetjo mOtjinene otjini ape wondekwa omuti imbwi Ngauzepo. Owo kaa ku turikwa ozondekurona. 

Tjingetjo ozondekurona kehi younane wombazu oruveze indo, tjimuna Ouhonapare wOmbazu wOvaherero, oku tuurungira mOmihoko Omkikutasane, avetie kutja oruveze romakuruhungi ngetambo kanaa ru isiwa nao rwasere okutungwa. Pezikame imbi mbya tungwa mbiripo nai. Otjo rukondua orutenga romatungiro uriri orutjavari ngamba ndu ru hiya karako. Tjingetjo ohoromende aiya kura oruveze indui Otjotjirumatwa Tjotjiwana. Puma pe heye kokutja Ozombuzovimbba nai oruveze romakuruhungi rwehi arihe kehi yondjeverero yOtjirata tjOvirumatua Tjehi, Onational Heritage Council (ONHC) Ondjirakati ozondekurona azeutu okusuvisa mo ovahenendu vazo. 

Kutja ondiero indji yatoorerwa pi nu iune kapena ku tjiukwa. Po si ya Ozombuzovindimba ozondo ku ndinondi rarira Etjo rOzombangane rozondekurona. Hapo tjiri Etjo Rozombangane vi ndoovazu umwe nguri ombangane yotjiwana tjimuna omuyaruke Ondangere Rukero kena kusuvisiwa mOzombuzovindimba eye maa hakayenisire otjiwana kuna ozombepo zovati novakuru? Nandarire kutja ombango yotjikutu the yatjitwa.