Uuministeli wuuhaku nonkalo nawa otau hiya oshigwana moshilongo ashihe, opo shi fale aanona koshikonga shotuntila okukeelela omukithi gopolio.
Sha ikolela komushanga gwa pitithwa kuuministeli wuhaku nonkalonawa, otuntila otayi gandjwa kaanona okuza pomimvo 0 sigo omulonga.
“Iikonga mbyoka otayi ka ningwa iikando iyali oomwendhi mbali dha landulathana, omasiku ga yooloka,” ya shanga ngaaka.
Uuministeli owa pititha kutya olweetho lwotango ota lu ningwa momasiku 26-29 gaJanuali omanga olweetho olutiyali otaga ka ningwa momasiku 24-27 gaFebruali nuumvo.
Uuministeli wuhaku nonkalo nawa okupitila momalongo gokukeelela opolio, okugamena aanona owa gandja omalongo taga ti:
Opolio oshike
Omukithi gopolio, omukithi omudhigu hagu etwa konkuni unene tuu maanona, no hagu vulu okweeta uulema ngaashi wokuligalala.
Ombuto ohayi ya molutu tayi pitile mokana e tayi indjipala momandjandja.
Opu na omaludhi gatatu gopolio, ga tulwa moongundu.
Eigameno koludhi lumwe polwomomaludhi ngaka gombuto itatu yokukondjitha omaludhi agehe gopolio, ogwo tagu ka longithwa miikonga yomatuntilo gopashigwana mbyoka tayi ka ningwa.
Olundji omandhindhiliko ohaga holoka pokati kuule womasiku okuza pugatatu sigo opugatano.
Opolio ohayi taandele ngiini
Pomahala mpoka kapu na uuyogoki neopaleko li li nawa, aanona mboka aashona ohaa kala ye li moshiponga.
Ombuto yuuva wopolio ohayi taandele tayi pitile miikulya nenge momeya gokunwa ngoka ga nyatekwa kombuto yopolio.
Ombuto yopolio otayi vulu wo okutaandela tayi pitile monyata yi na ombuto nenge miikunguluki yomomuligu.
Omadhidhiliko
Okufudha nuudhigu, olwiidhi, eloloko ano okuvulwa kwa pitilila, okupwatuka omutse, okukunga, othingo tayi kukuta oshowo uuyehame momaako nenge momagulu.
Olye eli moshiponga
Aanona mboka inaa dheulwa okulongitha okandjugo oyo unene ye li moshiponga shokukwatwa kashi na mbudhi kutya oye li pomudhingoloko gwa tya ngiini.
Omukithi tango ohagu taandele “gwamwena” notashi vulika gu kwate aantu omathele shi ikolelela kuuyogoki waa mpoka manga oshipotha shotango shomukithi gwopolio, molwetaandelo ndika tali ningwa lya mwena neetaandelo lyomukithi tali endelele.
Elopoto limwe lya kolekwa lyomukithi gwopolio otali vulu okukwashilipaleka etameko lyoshiponga.
Nkene opolio tayi keelewa
Kapu na epango lyopolio, otayi vulu ashike okeelelwa mokunwa omuti gwokutuntila opolio. Omata ngoka haga nuwa gopolio ohaga gandjwa lwaali notaga gamene okanona monkalamwenyo. Nando okanona koye oka pewa nale omata gopolio metuntilo ndyoka hali ningwa shito – omuti kehe otagu gwedha ko kegameno.
Olye ena okupewa omata gopolio
Aanona ayehe oye na okutuntilwa.
vkaapanda@nepc.com.na
