Ngunda otjiuri tjehi atjinongamburiro okutja ovaungure vozoveta omburandji maveyerurura ondondo yomaunguriro vyayo, otjiwana matjiraisa ondjara movinenege pekepke ovingi vyehupo, ondunino yotjiwana nombwiko.

Motjikazuka tjombura ombe otjiuru tjehi, omutjunikwa Netumbo Nandi-Ndeitwah, watwa eke ketemba noku riundura tjautire nomapatururiro wombongarero ondenga yozoministera ndjikuza Okambineta, nu kuyo aku kongorere omapatuturiro wondjuwo yozoveta tjapo ee kutjombokesifra erero ndari Oritjaine momapatururiro worutavi indo rwarwe orutjatatu momananeno wehi, nduri rovyombanguriro.

Oritjavari eye otja patururiro ondjuwo yozoveta potjitjitwa tjomahaameno pamwe womatuwo ayevvari nge otjina nomaunguriro wozoveta, Ombongarero yOtjiwana nOtjirata tjOtjiwana wounepo auhe otjikando ihi mbwaa hamene pamwe metuwo rOmbongarero yOtjiwana. 

Nandi-Ndaitwah tjeri hekenene kounepo wondjuwo indji okuhina okuhanika mokutja owo tjira tjine poo unongamburiro yoporotika ine indi tjikwe ya kombwiro yehi poo yovandu vehi. 

Nandarire mokutja ombura ndjazuko ovaungure vozoveta kanaa varaisire otjiungura otjiyandje tjohange. 

Amanundireko kutja ovaungure novameme vozoveta okuungura kumwe mondero ya Namibia novandu varo. 

Narakiza oporotika ndjihina omayandero poo omukoka pu ma iyandere ndji ha yandjere omauro wokomurungu motjiungura tjomamemeno wozoveta. 

Ombura ndjazuko ngunda ondjuwo indji aya tarere nokutwa kotjihungiriro ozombungurwaveta muvyu (9), mbari zazo uriri kotjike ondu za tuurungire okurira ozoveta. 

Imwe indji yOtjimariva nOmarundururiro wayo. Zarwe tjimuna indi yEhi ama zeundjirwa oku Kotoka londjuwo indji omburandji. 

“Ounepo tjiva mapeya movihungiriro aukondjo oku honaparisa oporotika. 

Po siya mbinongamburiro kutja ovandu vetu ovengi ve vanga okumuna ounepo wetu wondju yozoveta ama uungurire oviungura vyawo wyimbutiro yongundeveta vyo ku mema ozoveta no ku tara momauhepe wovakwatera ngeriwo,” Operesidenda matja. 

Ngunda aperi nao komurungu womapaturukiro wondjuwo gyozoveta Oritjavari, onganda yozombuze indji Onampa ya handjaukire momkivanda vyotjihuro tja Tjomuise okupaha oumune wotjiwana ohunga no maunguriro wovaungure vozoveta. 

Mumwari lomune wokutja ovaungure vozoveta maveso okuyandja ombango komazukuriro woukaiya, okuyandja ovihepswa novyungura. Novandu vahanikire moumue ohunga nomaunguriro wounepo wondjuwo yozoveta. 

Nandarire kokutja pari omakayandere wokomurungu kuyandjwe ombango komapwisiro wongaro yehupo momaturiro woupereke.