ONGWEDIVA – Epangelo la Namibia ola ti ole li longekida oku tambula ko ounona ava ina va halika vali kovakulunhu vavo.
Edi oda yelifwa komupopiliko wouminsteli woukashike kookanhu Lukas Haufiku kutya ovadali ava hava kala va pulumuna ounona ndele tava kwa twa komhepo yoku va ekelashi, nave va yukife kopolifi, koipangelo oshoyo keefikola.
“Ashike ngeenge omunhu okwa kwa twa kediladilo loku twala okaana keenhele edi da tumbula pombada apa, opo aha shikulwe kopolifi, nafye oshisho kutya okaana ina kaningilwa omahepeko opalutu ngaashi oku dengwa, oku pondawa ile kena omadidimika onhumba, ta ti.
Haufiku okwa twikila kutya edi odo eenhele da ufwa kepangelo nonda amenwa, doo ngenge okaana oka hangika ka twalwa peenhele apa opolifi kaina oufemba woku mangapo keshe ou eka fiyapo, shima shike keli moukolele wopalutu.
Okwa twikila kutya elalakano opo oveta ikale ya ufa eenhele di kale odo da ufwa oku fiwa ounona, opo ovakwashiwana va xulifepo oku fiya ounona peenhele inadi amenwa ngaashi omatoto, omilamba oundjuwo ile mewalangandjo ashike ngaho.
“Otuna oibofa younona vafiwa peenhele inadi amenwa, ndele ohatu li hange vamonifwa oixuna ngaashi keembwa valika nande eenyala, oshoyo koingulu neemuka,” ta yelifa.
Okwa twikila kutya ngeenge okaana oka keli tuwa keli tuwa keli pu imwe yomeenhele edi datumbulwa apa, ina ile naku kupulashi okuna oku kongwa ndele ta pewa ehandukilo.
Haufiku natango okwa yelifa kutya ina yokaana ngeenge okwe li hange ayandja okaana kaye kepangelo momukalo woludi latya ngaha, nena okuna oufemba wokuka kala eka kufako moule womafiku o 60 ngeenge okwa ninguluka. Ngeenge okwa kala ina ninguluka, konima yomafiku o 60, okaana ohaka ningipo kepangelo pambelewa, no ngeenge opakala pena ou ekahala, okuna oufemba woku ka kufapo melandulafano do milandu adishe edi da tulwapo kepangelo. “oku pewa omhito opo okaana ka kale ka ilwako ku ina moule womafiku o 60, oha shiningwa shaashi efimbo limwe ounona ohava kupulwashi ashike molwa oo ina vehe li udite nooxe younona, ile efimbo li mwe kapuna oshimaliwa shoku kwafa ohanana, ounona veli kalwa kooxe ile omunhu apumbwa ashike exungo mwenyo,” ta ti.
Moshiningwanima shitalala ova kwashiwana ova li velitwa ohanana italala mboomboo, yali yeli tuwa kOmungwelume moshitukulwa shaHangwena, konima eshi yafiwa kuina pongeleka moundjuwo vov a lume nhu.Omupedu commisioner wopolifi moshitukulwa shaHangwena Melanie Mburu okwa ti opolifi oya kala noku ninga eenghendabala, opo ikonge ina yokaana noku mutula moipandeko ndele oye shipondola. Opolifi nayo oya yandja etumwalaka kova kwashiwana va xulifepo oimbuluma yoludi ei, voo tava xulifapo okuya momilele inai amenwa ngeenge ina veli longekidila oku kala vena ounona natango.
taimihaihambo2000@gmail. com