Auleria Wakudumo 

Omushikingalo Mateus Nghiiwanaame nedina la shivika nawa A-star Universe okwa pitifa album ipe hai ifanwa “The return” osho sha hala okutya ealuko laye. 

Universe okwa ti okwa yandja edina “the return” koalbum yaye shaashi otai holola ealuko laye meengalo konima eshi a kala pedu oule wefimbo ina kwata embako. 

Universe okwa ti okwa kala alushe eshi kutya okuna ounongo wokwiimba okudja kounona. 

“Onda kala nokwiimba nokudaanisa poitufi yofikola ngaashi pebazaar, peyandjo lomapapa. Onda kala di shishi kutya oshitalendi oshili mwaame,” Universe ta holola ngaho. 

Universe okwa holola yo kutya okwa kufa etokolo eshi ali mondodo 11 opo aye kostudio mo20212 eshi ali ena eedula 18. Ota hokolola kutya okwa li a nyanyukwa meumbo mbishi mwa tomwa eshi a lyata omadi yotete mostudio. 

Okwa ti vahapu ova kala nale veshishi kutya okuna oshitalendi osheshi ashik ina ya kostudio manga kuyela. 

Eshi a mana ondodo 12, okwa shakena nakaume kaye Bazza oo emu ulikila ondjila yokushika eengalo. 

Universe okwa pitifa oalbum yaye yotete mo2015 hai ifanwa “Ondjato”. 

“Mo2016, onda pitifa vali ikwao yedina “Ondjila yaJesus”. Okudja opo onda twikila manga nelihongo lange moWindhoek. Nande nda ka twikila nelihongo, natango onda twikila ashike neengalo dange,” Universe ta holola. 

Okwa nhukila mostudio yaDj Chronic’s omo nda kala handi imbi naye. Onda kala handi imbi kostudio yaye oule weedula nhano. Okwa ti oinima ina ka enda vali nawa eshi eundafano lavo leya pexuulilo. 

Nande ongaho, okwa pondola okupifa oalbum yaye ititatu hai ifanwa “the return”. Oalbum oya pitifwa odula yad ja ko moNovemba. Oina eengalo 13. Eengalo dimwe okwedi shika novashikingalo ngaashi: Kaboy Kamakili, Dave SK, Japan, Kana boy, Ependa wagwan nosho tuu. 

Universe okwe li pyakidila nokutula oalbum yaye moilonga oyo tai ka ifanwa “The line of duty”. 

Ohashiki eengalo doshikwaito nonande ha shike yo eengalo dimwe ngaashi eekizomba, eegospela nadikwao. 

Moalbum yaye ipe “the return”, Universe okuna mo okangolo oko taka dana onghandangala haka ifanwa “Shuudika”. Okangalo aka okeli mokwaito. 

Etumwalaka lako okushiivifila ovapwilikini kutya natango Universe omo eli mowela nonande a ninga efimbo ina pitifa. 

-awakudumo@nepc.com.na