Abraham Mwanyekange 

Ongudu yokatanga kokeemhadi kovalumenhu Ombutu mOkongo oya yandja omaano oututa voukadona kosekundofikola Oshela onghela. 

Oututa ove li pongushu yoshimaliwa oN$600. 

Omukulunhu wOmbutu Simeon Nghikoya okwa holola pefimbo tava yandje oututa kutya ova kufa oshinakuwanifa shokuyandja oututa opo shi kale onga oshilimbo tashi ulike ondjelo nefimano lovakainhu. 

“Nonande otwa yandja kashona, otwa hala okuulika nokutwa omukumo oukadona opo va kale mofikola nokuhafaula eetundi. Hamunafikola teke li hanga tashekwa ngeenge a hangika koushitwe,” Nghikoya ta holola ngaho. 

Nghikoya okwa ti okwa hala oukadona aveshe va mone eemhito di fike pamwe opo veshi pondole nawa melihongo lavo. 

Nghikoya okwa holola yo kutya otava kala nokuyandja oututa voukadona konima yeemwedi nhatu keshe keefikola adishe dili moshikandjohoolo shaKongo. 

Omukulunhufikola wosekundefikola Oshela Penny Emvula okwa holola olupandu kongudu yetanga yovalumenhu eshi yayambidida ovanafikola. 

“ Ohandi ka pitika ovahongwa aveshe va kale tava kufa ombinga momaudano va manguluka shima ashike tashi ningwa pelandulafano,” ta holola ngaho. -abbenghilai@gmail.com