Abraham Mwanyekange 

Ovaholi vomaudano osho yo ovadanitanga, opamwe novanangeshefa ova uka mongula komadauno oo e li koRuacana mexuliloshivike lOpaasa. 

Omunashipundi womadauno oRucana Easter Tournament Simaneka Nendongo okwa ti fiyo opapa eespana 70 ode lishangifa okukufa ombinga komaudano aa. 

“Natango otwa teelela eespana dihapu di lishangife,” a weda po. 

Okwa ti minista Lucias Iipumbu oyekahewakomaudanoaanotakala e a patulula pambelewa mongula. Nendongo okwa ti elelo lodoolopa neudo ola kwashilipaleka oudano ou noN$550 000, ta ti koshimaliwa okwa wedwa molwaashi oinakuwanifwa nayo oya ninga ihapu. 

Okwa ti elalakano loudano okwee ta ovanhu pamwe, okuxumifa komesho odoolopa yaRuacana komesho okupitila momaudano, okuyandja eemhito kovadani va ulike oitalendi yavo osho yo okuyandja eemhito kovanangeshefa va dule okuninga omalandifilo vo va ka vatele ovakwapata vavo. 

Ta weda ko kutya fiyo opaife inava mona omaupyakadi asha nghee otonamenda ya tamekele mo2012, ta ti aishe otai ende nawa. 

“Ngeenge owa tale mo2012 modoolopa omwa li ashike eenduda dovaenda dokunangala di li mbali ashike mopaife oda koya po-10, eshi tashi ulike nghee ovanhu va hokwa odoolopa yetu, sho nonatango ovanangeshefa vetu navo otava mono mo omauwa”, Nendongo. “Ileni mu shakeneke omanyakwa okudiilila keembinga neembinga daNamibia eshi tae uya a ulike oitalendi yao”, Nendongo ta ifana. Omaudano taa ka kala ko ongaashi, okatanga kokeemhadi kovakainhu novalumenhu, okatanga komokambaba, ovolleyball nobasketball. 

Nendongo okwa ti oimaliwa oyo ya tulwa poshitaafula otai ka longifwa moinyangadalwa aishe youdano mwa kwatelwa yo okufuta eespaana edi tadi ka findana. 

-abbenghilai@gmail.com