Minista guuyuuki Wise Immanuel okwa indile omalelo gopamuthigululwakalo ga nkondopaleke onkalo nokukumagidha oshigwana shi kaleke po omuthigululwakalo. “Methimbo ndika tu li aakuluntu ihaya shungile we naanona, mpoka aakuluntu haya kundathana nokuhokolelela aanona oshindji ye na okutseya.”
Ta popi ngaaka. Immanuel okwa ti ohungioyasimana, aanonaoyendjipaifeoya tala ashike moongodhi, peha lyokuhungila naakuluntu. Omukwatelikomeho gwiidhano yOshiwambo mOshakati Saima Shikulo okwa ti omuthigululwakalo omulilo gOshiwambo nogwa pumbwa okusimanekwa. “Natu kondjeleni omithigululwakalo dhoshilongo noshigwana opo ku andjakanekwe nawa iitalenti nomagano ogendji gopamuthigululwakalo. Oshindji otashi vulu okuningwa okupitila miinima yomithigululwakalo, mbyoka tayi vulu wo okukandula po omipya no kweeta po elago,” ta ti ngaaka. Shikulo okwa ti Namibia omuyamba pamithigululwakalo, e na omaudhano gi ili nogi ili, ihongomwa yi ili novi ili, omusika, omaimbilo, iikulya, omagumbo no ndhoka hadhi zalwa pamithigululwakalo dhi ili dhaNamibia.
Ta ti, omuthigululwakalo oshinima sha simana kOmunamibia kehe, tagu dhana onkandangala onene momulandu gwombepo yedhiminathanepo molwaashoka momuthigululwakalo omo moka Aanamibia taye ya pamwe nokut s e yathana, t aya igililathana nokuulikilathana ongushu yomuthigululwakalogwe. Omunangeshefa gwiinima yopamuthigululwakalo Liina Niingo gwomolukanda Evululko mOshakati okwa kumagidha ta ti, omuthigululwakalo nagu simanekwe. “Omuthigululwakalo ogwo omulilo gwoshilongo nogu na okukalekwa po nokusimanekwa,” ta popi ngaaka. Niingo oha landithi iikulya yoludhi kehe, ngele tashi ya kiikulya yOshiwambo. Ta ti, ongeshefa ye okwe yi tala ko ya simana oshoka oya yooloka koongeshefa odhindji tadhi ningwa kAanamibia aakwawo. “Aashona yomutse, hatu landitha yOshiwambo, yamwe otaa ti, oya sa ohoni okulanditha ekaka, nenge omakunde gondulu,” ta popi ngaaka. Ta popi ta ti, Aanamibia ngeno okwa li haya simaneke nokukaleka po omuthigilwakalo gwawo ngeno otaya niingi aayamba.
Oshoka kehe shimwe konyala, ohashi vulu okweetwa po okupitila momuthigululwakalo, itaapu ka landwa yimwe yokondje yoshilongo. “Ndhika onde dhi popi oshoka ondi wete oshilongo shetu tashi tekauka po esiku nesiku, tse Aanamibia ohatu kwatwa ko noku fuuka kwaambi yokondje yoshilongo shetu, tse tatu ekelehi omuthigululwakalo gwetu, sho shoka tu li monkalo ombwiinayi yi li ngeyi nena,” ta fatulula ngaaka.
-vkaapanda@nepc.com.na