Windhoek
Munna wa lilimo ze mashumi a malalu u libelezwi kuba mwa khuta ya muatuli wa mulao ya Outapi kaku kulubelwa kuli, u kunupile ni ku bulaya bo mahe, ba myaha ye mashumi a silela ka lilimo ze talu la Sunda kwa munzi wa Onaidjimba mwa silalanda sa Okalongo.
“Situpu senese sibolile sa mumbulu nesifumanwi la Bulalu,” kwa talusa ba sipokola. Inspector Slogan Matheus kuzwelela kwa kalulo ya lipiho ya sipokola sa Namibia u ize, mwana ni mahe nebabile ni kaňi mwahali kubona, kikafo kuzwelezi mwana kubulaya mahe ka kumukunupa ka pisitolo, Saara Kauna Shimuni, a timelela fa sibaka sesiswana. Shimuni na huluzi mwa musebezi wa sipokola ka kukwanisa lilimo za hae, haili mwana yena, yo libizo la hae a halisika zibahazwa kale kufitela a bonahala fa pata a muzekisi na sile kusebeza mwa sisole sa Namibia.
Na tamilwe la Bulalu lelifelile kwa sibaka sa mulikana hae mwa Oshakati, kwa ekeza Matheus. Pulao netunguluzwi la Bulalu nako yeo Shimuni hana sa alabi foni ya hae, ka nako ya nafonelwa ki kezela hae. Kezela hae a zwela kwa sibaka sa Shimuni, mi mwa kuyofita fela na katanyelizwe ki sibebo ni linzi zene ambakani ndu kaufela, seo sitisize kuli a bize mapokola. Mapokola ba loba sikwalo sene silotezwi ni kukena mwahali mo neba izo fumani musali u shwile.