KATIMA MULILO– Likolo zepahami zabo Simataa ni Sangwali likonile kuchilauka mwa kwinano ya mbola ya likolo, ya silimo sa 2014, yenengelezi lipapali za mbola ya mautu, ni yasisali mwa Katima Mulilo mafelo a biki yefelile.
Likolo zepeli zeo, sesimwi ni sesimwi siamuhezi mupuzo wa mali a fita fa likiti zepeli za madola (N$2000.00) kubeya komoki, mwa kwinano yefelize mazazi a mabeli, kwinano yenekonile kuhapa likolo ze pahami ze mashumi za mwa sikiliti sa Zambezi.
Kwinano yeo nesulilwe ki likwambuyu yomunyinyani wa likolo la Lipiho za Makande ni zabo Mapangapanga Mutompehi Stanley Simataa.
Mwa nako ya kuungula kwa lipapali la Sunda, muipuleleli Simataa na susuwelize bana balikolo ku ukumalela fa tuto ni kueleza likolo zezwile mubano mwa papali kusebelisa mupuzo wa mashelenyi katokomelo.
“Sina a muli bana balikolo, muswalisane ni matichele bamina ni kuli nisa susuweza likwata zezwile mubano kusebelisa mashelenyi kuleka fateni lisebeliso zalipapali.”
Likolo ze pahami za bo Sikosinyana ni Kizito likonile kufumana mupuzo wa bubeli ni wa bulalu mwa likwa- ta za mbola ya mazo- ho mi liamuhezi mipuzo ya N$1 500 ni N$1000.
Kacwalo sikolo sesipahami sa Mayuni sona sifumani mupuzo wa bubeli, wo nekukambekezwi fateni mupuzo kufita fa N$1 500.
Likolo zepahami zepeli zabo Sangwali ni Sesheke nelifumani mianda ye ketalizoho ya madola (N$500) sesimwi nisesimwi kakuwisana sisali mwa kalulo ya bulalu.
Simata na neuzi mali a kwinano a fita fa likiti ze lishumi za madola (N$10 000.00).