OTJOMUISE- Ombara Otjitambiona yOvaherero, omuyaruke Tumbee Tjombe, ndinondi otjimasekama okuyenda kEwe Osonda mumasuvisiwa puna Ombara Otjitambi yOvaherero, omuyaruke Kuaima Riruako.
Ndinondi otjiwaøa ihi tjitjikara atjaomba po pokomando yErapi rOtjiserandu Oitjavari muno oviveke vivari nohinga okuza konÿiro yombara tjiyari 31 komueze mbuazuko, wina otji matjikongorere ombara yatjo ngunda ovimbumba tjiva amavivasewa mOkahandja okutjakanena ombara yavio. Ovio mavitjakanene ombara ondjira ndjimaizu kOtjomuise okupapita kouye womeva tjimaithiti mOkahandja meøe yonganda ombakere yomaze momatemba indji o Shell. Ombara tjiyakavaza ponganda ombakere yomaze momatemba indji o Engen, okuzambo otjimaondjozewa iyovimbumba vionÿerera yopehi noyokoukambe okumutuara po komando. Eye maundjirua pOkomando Ondenga yErapi rOtjiserandu mOkahandja ape momurongo naimue yomuhuka ndino.
Otjiungura tjomayandjero wondjozikiro matjiundjirua okuuta mondatu yomapeta nomayakuriro wovimbumba iyo Ngenerara Verematjara Ismael Kamuhapita. Tjazumba otjimapeuhara ozombinika iyovanane vombazu mbumavekongorerua iyovanane vomarapi nu tjimaikatjombokere omurongo wongurova Ombara Alex Kavei apata otjiungura tjeyuva.
Muhuka otjiungura tjomayandjero wondjozikiro matjiutu nokutanga ombara otja kombazu okuza mohambombari yomuhuka nganduu momuviu womuhuka Ongenerara Kamuhpita tjimayakura ovimbumba. Tjazumba apekongorere omuÞize wotjihuro tja Kahandja okuyakura ovimbumba motjihuro tje nu kuye akukongorere omutoororua wOkarukondua kOmatoorore ka Kahandja okuyakura ovimbumba mokarukondua rue. Tjazumba apeya ekuruhungi romuyaruke Ombara Otjitambiona. Varue mberi morutuu rongaendero yomayandjero wondjozikiro Ongooneya ya Tjozondjupa; Orutu rOtjiÞiro Otjindjandja tjOvaherero nOvambanderu; ozombinika okuza kovira vioporotika; ombinika okuza komukuramenenepo wovakuramenepo vomahi mo Namibia; ombinika okuza kOministeri yOmananeno wOtukondua nOzongomainde; Omakuizikiro wOmaha nOmekurisiro wOkozombanda; omuiimbo okuza ku Helga Kuzeeko; ozombinika okuza kovanane nomauhonapare wombazu warue nombinika okuza kOuhonapare wOmbazu wOvaherero.
Okuzambo ovimbumba otjimavikara neriro romutenya okuza moimue nganduu momdatu yomapeta. Tjazumba otjiugnura atjikayenda komurungu nombinika okuza kOngeama Hansa Katjiuanjo nu Ombara Gottlob Kahikopo apata otjiungura tjeyuva. Tjazumba okuza mohinga yohambondatu apetokerua ovaimbe, ozombimbi, ozonÿerera nozondoro nganduu momurongo nu okuzambo aperara etando nganduu muhuko munene wa Sondaha.
Osondaha ngunda ovimbumba avihiyanjinganjinga okuyenda kozongungu mohinga yohamboumue yomuhuka nganduu mohinga yohambombari mapekara oukambe, ombimbi nozonÿerera nu tjazumba ovimbumba aviutu okuyenda kozongungu ondangere Abisai Mungendje arangere nu mohambombari otjiungura tjombakero atjiutu nongumbiro nomazuvarisiro iyomuhonge wOmbongo ya Africa.
Tjazumba Omutjangerepo wOuhonapare wOvaherero wOmbazu, Bethuel Katjimune, ayandja ehi rokongotue romakuruhungi wouhonapare imbui nu kongotue ye Omuhaamise wOvihavero viOrutu rOmekurisiro rOvaherero, Vekuii Rukoro, ayandja ombinika ye. Tjazumba apeya omarapi, ombinika yOuhonapare iyombara Tjipene Keja nu apeya oihe noina yombara omuyaruke Tjombe.
Okuzambo apekara ongumbiro novimbumba avivaza pongungugn porumbo rozombangaøe. Apeumburua eimburiro rehi, ondangere Mungendje aungura otjiungura tjombazu; Ongumbiro nomazuvarisiro iyOmbongo ya Africa; omukawondjise woviungura ayandja okambo ke nondjuwo mumuarara Omabara Otjitambiona ayiutu okunenunisirua mombira nondangere aiyandja omuyaruke kovaÞi. Tjazumba okutja apeseinine omaisakero wonguyu komuyaruke Ombara Otjitambi Riruako.
Ngunda aperi nao Oritjatatu mOtjomuise pakarere omayandjero wondjozikiro komuyaruke Tjombe mOmbongo ya Africa. Pendje nekuruhungi ndayandjerue iyomuangu wombara, Vitura Kavari, pari ozombinika peke peke tjimuna yomuÞize wotjihuro tja Tjomuise wokehi, Muesee Kazapua, nawina yozombongo peke peke. Wina ozokowa peke peke zamuine okaruveze kokuiimbura owiimburiro uvari mu aihe mumuari okowa yombongo ya Africa oini, yOruuano no Soli Deo Gloria. Otjimbumba tjozohiva tjombongo indji o St. John yomuhonge Petrus Tjijomba wina yapere otjiungura ihi omuhoro wapeke omuwa. Ovimbumba vieere nawa nu nganda ovandu tjiva avekazizira motenda onene ndjawezirue ketuwo rombongo.
I Kae MaÞunÿu-Tjiparuro