WINDHOEK- Mukurona pamberwa momberewa zonene zaSWAPO, kayinkondopekere asi nofile edi dakara asi yido avapungura nombudi, ntani yituntwamo yomaliyongo mokomitiye zontjima-ntjima yiyo yimwe kavaveke momberewa zaSWAPO, vawidi ava kavatezere mberewa wezi mosikondo vike. Mugendesi gomberewa zaSWAPO, zonene Hamunyera Hambyuka katente asi Laptop zendi zoyirugana, ntani nazimwe zakara asi zomuntu muruganai momberewa zahamutjangantoni Nangolo Mbumba, kavadiveke. Evako eli kuna wizirepo morwa kupira kukara nodarate zina zomarutjeno zokurapota nsene kuna kuwizapo vawidi. Vawidi ava kavamenge vakungu ava kungu mberwa ezi . Eyi kuna kuretesapo utjirwe nye navenye Mbumba naHambyuka kapi vana kara posiruwo esi asi vatjangwilire mukaro gwangesi asi kuna kara goupolitika.Hmabyuka katente asi yousili mberewa kwato noAlarm, nokutanta asi kampani ezi vapura asi ngano kukare alarm kwakwata siruwo mokutara ehundiro lyawo. Vawidi simpe kavazire nomafano, TV ntani nayimwe eyi ava randesa momberewa yokuhamena komudwaro gwaSWAPO. Simpe awo kavazire noyimaliva yokusika koN$18 000 yomuwaya. Nomahoroworo nye gana kuwiza mvhura zeezi ntani epongo lyombunga ezi lyokuyahorowora madina gawo gokuza kombongarero zanavnye,mauyerere nagenye kagazire kuhamena central committee ntani politburo. Sinzi sovakurona navenye kavakere koOhangwena omu kavakakondjerere mahoroworo gana karako gokukwateramo. Hmbyuka katente asi: “mberewa nene, widi kuvhura kuhoroka nampili ngano asi kuna karako alarm, morwa mberewa ezi nene; nomberewa nadinye kavaditezere unene dekeguru, rambangako zahamutjanga ntoni nezi zoAdministration.Mokukwama Hambyuka nomberewa depevhu ngwendi zovadinkantu, zovakurupe ntani zovagolikadi odo kapi kavaditezere. Mberewa zahamutjanga ntoni ruha rwegendeso hawe oro yiro karumwene siponga. Laptop ozo kwakaramo nominutes doCentral Committee ntani Politburo yimo ana kutanta. Momberwa nye zaHamutjangantoni awo kavagusiremo TV nokuteta safe moomu vanahara. Awo simpe kavazire hena nononsapi domahauto kuna kara mbali doMazda ntani zimwe zoVolvo, mafano gokufanekesa mudwaro gwaSWAPO, nayoyimwe kayikere tavayirandesa momberewa. Mbumba nkera katente asi varugani navenye kwavapura vature kumwe eyi vanazumbanesa yipo asi mwaza ezuva awo navagava asi yinke nayinye yina zumbana rambangako yimaliva.Mukurona govaporosi ntoni Sebastina Ndeitunga, katjangwilire widi ou asi widi woudona unene. Nokutanta asi nasihuguvara asi eyi kapi yinahorokere asi morwa mahoroworo gana kuwiza,. Nye walye nokudivasi. Ose kuna kuhundira vantu navenye navamona vagazarerwa ava mokuwiza nokututantera asi kupi vana vamono yipo asi yitwaredere dogoro tukavakwate vantu ava wokurugana yininke yoyidona ngesi.