MoVenduka-Nkuru sure zaNamibia ndi as University zaNamibia, ruha nye oru rwakara asi ronomutji ntani nosure nye mbali dakara moyirongo ngwendi Kenya naUganda,ngesi vanaligu kumwe mokukaturapo elikwamo lyokukadeura asi ngano ngapi navagendesa uvera wosuka nomuteku nye govaveli owo asi ngano ngapi. Elikwamo eli lina kara lyokutura elikwamo eli moyirugana kuna kara nye momuwa,eli vatulire mosirugana sivike sina puko,moomu moVenduka.Merck Serono, zakara noruha rwazo avatumbura asi Merck nomberewa zonene,moDarmstardt, mosirongo saGermany kuna kugava mbatero kelikwamo lyangesi.Merck kwakara evango eli alirandesa nomutji ntani kampani zonene,zakara noudivi wonkurungu.Mokukwama mbunga nye ezi zakarerapo uhaku mosirongo,kwagava asi nomukisi edi dokukara asi kapisi domaligwanekero kuna kara nonoperesenta 38% moNamibia, awo konoperesenta edi 19 kudogoroka mwankenye mvura kouvera ou moNamibia.
Momapuragero kumwe nosayitunga zaNew Era, mulirongi kurona Isaac Quaye ogu arongo kosure zaUNAM,ruha ronomutji katente asi elikwamo talitameke moomu mwaMangundu mvura zeezi, kumwe novarongwa ava vana karamu ngesi womvhura zautatu nezi zaune ruha ronomutji.Egano ndi sitambo kuna kara asi vahepa kulirongera omu navavatera nokugendesa uvera ou.Yimo ana kutanta Quaye.Kampani nye ezi Serono Symposia International Foundation,mbunga ezi zalikarera pwazene ezi azi gava marongo kuhamena nomutji ezi zagwana epulisiro kombunga zaEuropa ezi gendesa erongo lyonomutji nedeuro.Quaye katente asi vadivi woponze zoyirongo yaAfrica nawo vamwe ngavayakara tavarongo varongwa vetu.Quaye simpe kageve mafatururo,posiruwo seturo moyirugana elikwamo eli. Pelikwamo eli lyeturo moyirugana elikwamo eli,mukurona koruha rwaUNAM,ronomutji Proffesor Peter Nyarango nage yipo kakere,nokutanta asi nkuru sure zaNamibia,kuna hafa unene mokugwana elikwamo eli lyokuronga varongwa vawo yokuhamena nomutji nouvera ou wosuka.Age katente asi nkuru sure kuna kara zimwe zina kutameka elikwamop eli ano vana huguvara asi navaligendesa tupu nawa. Ntani awo kuna hara asi vahepa kukara novantu vanadivako Yuma vanakuvatera sirongo saNamibia rambangako Africa namunye.Elikwamo eli ngalikara limwe lyomutaro eli tuna kugazara asi komeho ogo kuvhura kukaza moveta asi ngapi natukulika mokudeura vantu vetu komukisi ogu gwakara asi kapisi gomomagwanekero, unene ngwendi moomu twagudiva asi uvera wosuka yimo ana kutanta Nyarango.Nokuhulisa asi elikwamo eli kalisesupika ntani kupa vantu mukumo nodivi asi nomutji musinke naruganesa nsene vana mugwana asi kuna kara nouvera wosuka.