RUNDU – Bana basikolo bababeli ba sitopa sa grade 7 batisizwe fapata akuta ya muatuli ya Rundu Maabani ka milatu yemibeli ya kubulaya mushemi wa musali ni mwana hae wa mushimani.
Bao ba hapelezwa ki Kambinda Lucas, wa lilimo ze lishumi ni lilimo ze ketalizoho ni ze ne (19) ni Katombera Daniel, wa lilimo ze lishumi ni lilimo ze katalizoho ni ze talu (18), ki bana basikolo fa Pandureni Primary School mwa munzi wa Mazivi. Sikolo sifumaneha buse bwa sintolo sa buchwala koo pulao ne kukulubelwa kuli ne ezehezi teni la Mubulo kapa la Bubeli masa apatalala. Kadana Laurencia wa lilimo ze mashumi amalalu ni lilimo ze ketalizoho (35) za kupepwa ni mwana hae was mushimani wa lilimo ze silezi (6) za kupepwa, Samwere Thomas ne ba bulailwe kaku lemakiwa ni chapu mwa sibulututu mo nebalobala teni bukaufi ni sintolo sa manwelo a bucwala ko nasebeza musebezi wa bukapitao. Nyandi, mahe bana bababeli nasebeza kwa sintolo sesi lekisa bucwala sa Ndina No 2’, mi napila kwa tasi aona muyaho woo.
Kacwalo mapokola ba ize, mushimaninyana neli wa lilimo ze ne kono mabaani baize nana ni lilimo ze silela. Mafu amabeli mwa nako ilimwi ao kwa munzi wa
Masivi, ko matokwani ni lino za bucwala ki mbwee, zeo lisebeliswa maswe, atisa palo ya mafu kuba a bune kwa batu bese babulailwe unumwaha feela. Masivi ifumaneha Wiko wa Kavango, ili Upa wa Rundu.
Mwana sikolo wa mushimani kwa primary na natilwe ni kubulaiwa ki ndatahe ka taba ya ku uzweza batu baba pila mabapa ni bona, mi musali yomumwi na akalezwa kuli nabulailwe ki munna hae. “Sibaka se sisinywa ki lino ze kola, sihulu babanyinyani bao bazuba matokwani, ye kitaba yebilaeza luli,” kwa bulela yo muhulu wa sikolo yena Hamutenya. Bana basikolo bao, bazibahala kamikwa ya kupunyaka libaka za manwelo a bucwala kwa Masibi, ni yemimwi mikwa ya kuluba-luba milao, neba bonahezi fa pata a Muatuli (magistrate) Esme Molefe, mi muzekisi neli Albert Titus.
Taba yabona neshimbululezwi kwa pata ili mwa kweli ya Muyana haitali sena ni mazazi a ketalizoho ni mazazi a supile (17 September) kuli mapokola ba zwelepili ni lipatisiso ni kufa sibaka kubao ba hapelezwa kuikupela muyemeli wa mulao. Kakuya ka butuna bwa taba ni mayemo a zeo ba akalezwa kueza ni kuli lipatisiso lisali kwa makalelo, lifosi ze peli zeo ne lihanezwi kupo ya kulifa mali kuli bayo litela muzeko kwa mahae abona.
Bubeli bwa zona lifosi zeo nelitamilwe la bubeli aseba tunguluzwi ki mwanana yo mumwi yo na bandukile kwa pulao yeo ka mukwa o makaza. Litino zabona zeo neli talampakani mali liekelize kwa sisupo sa bufozi bwa bona.