WINDHOEK – Hou Xuecheng, wa lilimo ze mashumi a malalu ni lilimo ze supile (37) za kupepwa na hanezwi kupo ya kulifa mali kuli ayemele muzeko wa hae kwande atolongo la Bulalu mwa kuta ya muatuli ya Windheok, fa pata a Muatuli Jermaine Muchali ka mulatu wa kuba ni manaka a Litou.
Hou hape u sa talimani ni mulatu wa kuba ni matalo a mabeli a Lingwee kusina ma pepa amulumelela kuba ni ona. Muhabo Rajaiyah Ranjith Kumar, wa lilimo ze mashumi a malalu (30) ni Sha Zhiwei wa lilimo ze mashumi ni lilimo ze supile (27) bao ba talimani ni bufosi bwa kuba ni manaka a Litou isi kamulao. Bomuhabo yena neba hanezwi tifo ya mali akuyemela muzeko wa bona fande ki muatuli yaswana mwa kuta ye swana makalelo a yona kweli ye. Lifosi zetalu zeo neba bonahezi lwapili, pili a Kuta kweli yefelile haba tamiwa nako yeo mapokola nenze bapatalala busihu mwa misebezi yabona, nako yeo ba lemuha simbayambaya sene sisaswalehi hande bukaufi ni NaTIS Valley.
Maofisa balatisa likezo zeo neli ezahala ni mota ya mufuta wa Toyota Conquest ni VW Amarok ya muhapelezwi. Aseba atumezi simbayambaya seo, ba ipulela kuli ki mapokola ni ku ungulukuta mwa mota mi kwa fumaneha manaka a Tou kwa mulaho mwa mota yeo. Mumatisi wa simbayambaya mone kufumanehile manaka, na konile kufa mautu bubebe, mi mapokola basasweli ku mubata. Babalalu bao nebaisizwe kwandu ya lipisinisi ya Hou ko nekuizo fumaneha matalo a Lingwe. Ba bahapelezwa ne baize nebasa zibi kuli ya namatile nababapaza manaka a Litou, kalibaka lakuli naba memile kuli kuna nizanana nizona kuli mwendi kaswana baitakaleza. Taba itazwelapili sunda yetaha la Monday.
Mwa kweli ya Kandao (May) bayahi ba mushobo wa Machina beneba bile ni mulelo wa kufufiseza manaka a Sembele kwande a naha a leka mali afita fa N$ 2.3 million, neba hanezwi kupo ya kulifa mali kuli balitele muzeko wa bona kwa mandu a bona, mwa Kuta ya muatuli ya Katutura. Kakuya kalipatisiso, Litou za palo ye mwaanda ka ze lishumi ni ze silela (116) kubeya Liembele ze lishumi ka zene kizese ombisizwe moyo mwa Namibia kuzwa ňoholatula (2012).