ONGWEDIVA-Siruwo soruteni twahepa hena kusimona asi siruwo sosiwa omu vadinkantu vana kugwanenamo uwa melikwamo eli lyokugavera rukukutu, yimo ana kutanta nkuruministeragona apa kakadingwire komuzogo gosirongo. Hausiku kageve magano gendi asi ava vana kukweya usura monomukunda ntani nomberewa dovakansela, vahepa kuruganesa vadinkantu vana kara asi kwato yirugana vakweye usura ou ntani yiwo vamwe navakara asi yiwo vana kuhavareka usura, mokurondeka ntani kuyimburura komamunzugo gepangero vana kupungura usura ou.
Hausiku katente asi sirongo esi kuna kara novadinkantu vana pili yirugana ano nsene ovatara hawe tava kuruganene sirugana sina wapa omu navahamena melikwamo lyegavero usura worukukutu. Kugusako Vadinkantu,ava vakara nonomahina dokukweya usura hawe nawo tavagwanenemo uwa melikwamo eli. Epangero kwatokora asi mokuninka asi varete usura una kutunda ponze zomukunda awo yiyo vana kuyimona asi vahepa tupu kuruganesa vakweyi womonomukunda makura vatware usura komamunzugo gepangero lyomukunda. Mwahepa kuyidiva asi mukaro gwangesi kuhoroka rumwe tupu meparu. Ose kuna kara novadinkantu vana pili yirugana vanakugendagura tupu mononzira.
Twahepa kuretamo vadinkantu ava vavatere melikwamo lyangesi. Vantu vahepa kurugana masiku nomutenya yipo asi vantu vanakunyanda konzara vagwane nondja edi nosiruwo.Hausiku katanterere munangesefa Omhalalanga Mills apa kakadingwire evango vana kupungwira nondja moOshakati.Omahalanga Mills kwavapa vakweye usura wonomukunda mbali Oshana naOmusati. Eyi kuna lifana nonokampanyi edi dina kukweya usura digavere konomukunda dimwe ngoso. Mokukwama vantu ava valitjangesa, Omahalanga mills kuna kuvapura vakweye nometric tons dousura mwankenye kwedi. Eyi kuna kumoneka asi kunapitakana noperecenta 35% omu sirongo asi gwana usura monotona 10 000 metric tones.
Nghipondoka katente asi age novantu vendi vahepa kukweya mezuva notona 100 yipo vasikisemo eyi vana hara vantu. Omahalanga ngesi kuna kutireko vantu wokusika ko 20 mosiruwo sosisupi vavatere kukwaya usura, kugusako ava nomurongo ntano vakara nawo.
Eyi kwayiruganena asi tuvatere elikwamo eli likare lina wapa. Kugusako hena wokuherura nokurondeka, vantu wovanzi vakara nomahauto kuna gava mahauto gawo gavatere kugavera usura. Epangero kuna tokora kugusapo udigu ou wokugwana nondja nelikwamo nkenye vana kumona asi kuvhura yivatompoke.
Ose kuna kara neyi yokuvateresa tuna kara novantu ntani hena kuvhura kupura vaholi vetu vatuvatere. Eyi yina hupuko ngesi twahepa nye nyamwetu kukara momukaro gomuwea nokudiva nyamwetu asi tuna wapa, yimo ana kutanta ngoso Marco Hausiku.