Khoe-i ga a dî tsi o, ‘Nētsēs di ╪hôa╪khaniba ║amats go?’ tamas ka i o tarena a ╪hôa !hūbaib !nâ nētsē?’ ti – ots ge ׀nîsi ra mî, ║ama ta go xawe ta go dana!khaidi ׀guide khomai, tsî ta a mî ║oa taren xan ra !hoa !khaisa.’ ║Nā-i ge ׀gui xū-i ╪gui khoen nētsē !gomsib ase ūhâ-e. Sada ge ║naetib khomais diba ūhâ tama hâ. Nē mâsib ge a ╪haisa !khais ge, ׀gui aob ge ║ama╪harugu!khaib ai!â gaxu ║aeba mâ isa khoen nî ׀hui-am ║-aebab ge !âumâ ise.
║Îb ge ║nāti ī ╪an╪ans hîa ge ╪aomâisa is, mî gerese ║ama╪harugu!khaib ║nātsē ׀hui-am tide ║amaxūhe ra xūn di !gôakhâis ׀khan a ׀hawe xui-ao ti gere mîsa khomai tama hâ i amaga. Nē khoeb ge ║nāpa mâ tsî ║îb !nâ gere ╪âi tare-i !aroman khoena ║îb ║aeba ra ╪khôasa, ׀gui khoe-i ge hā tsî a ║gau bi ╪an╪ans ║nāpa ╪aomâisas tare-i !aromab ║ama╪harugu!khaiba ║nā tsē a ╪ganamsa !khais disas kōse.
║Îb ge kaise ge ║aixa-ūsen ׀naib ge ║nā ╪an╪ansa khomai tama hâ i !khais !aroma. ║Nā ╪an╪ans ge !gāsa tsî kaise gere mî,’Sida ge nētsē a ╪ganamsa xūna da ra !gôakhâi xui-ao tsî ׀ûbaba ra ╪gan nē !khais a !aroma ║khā ║khoaosasib !aroma.’
!Nubusib khomaisa da ║naeti tama hâs dib ge sao ra ╪khoamîs !nâs tsîna ra ╪hai, ”Xū-ets khoeba xu nî sâu ╪gaos kara, o ╪nû tsî !nurib !nâ ūhâ.”
Nē xoa!âs ge khomais ╪hâ╪hâsasib xa ra !gû.
Khomais ge ║nā khoen hîa ║khā║khāsens ׀kha a ║axan !aroma ׀gui ╪hâ╪hâsa tama hâ, xawe mâ ׀gui׀guibe khoe-i hoa-i hîa ║î-i ╪ansa ra khora╪ui ╪gao-i, sîsenni ╪ganamsendi tsî ║khoab !aroma khomais !aroma. !Khās ׀kha khomais ge ra ╪âibasen, ║nāts go khomai ╪ans tare-e ra ╪âibasens ║khāsiba ūhâs ti. !Khās ׀kha khomais ║khāti !khō╪gā hân ge !om╪khanina xu hâ ║gui╪amde ║nâu!ās, ╪gao׀khādi !âidi, ║gâusîsenni, dî!nâ╪hawega xoa╪gā!nâs, sîsenni ╪ganamsende dīs tsî noxopa ׀nîn !aroma a ╪hâbasa. Khomais ge ╪âibasensa kurusa ║gâisa tamas ka i o xoasa ╪hôasa xu.
Khomais ge nausa supu tama hâ, khomais ║khāsigu a ╪hâbasa amaga khomai-ao-e ║nā ║khāsib !nâ mâisa î-i !âsa xu ╪ansa ׀oasa tsî ╪hanuse ╪gae╪ui tsî sîsenū ║khā ī ║khā i as kōse. Nē ║khāsib ge ║khāti ׀gui !nās ai ī tama hâ xawe !haro!harobese ra !gû║nâ, xoamûdi, ׀ūgu, midi, ╪âibasengu tsî xoa׀goradi kōse ra saoguse. !Gāsa a !khais ge ║nāpas ra ║aegu. !Gâi khomai-aon ge !gâise ║în ║khā║khāsendi !nâ ra ai!gû. ╪Khawusa khomai-aon ge hanan mâtin ║în khomais ║khāsiba nî omkhâi ׀gausa nî ║khā║khāhe tama īs karao ║în khomais ׀kha rah ō !gomsina !kharu!nâ tide.
!Ereamsa ūhâ !hū║îda ase da ge nî ╪âi!gâ mâti da khomais turaba nî omkhâisa, !gōsase sada ╪khamkhoesib ║aegu. ׀Gapi ║Khā║khāsen!khaigu ai ra ║gau!nâ khoen ge a ╪an mâtikō !gomsiban sada studentn hîa Hurigowaba ׀gam║î gowab ase Namibiab !nâ ra !hoana ūhâsa, ║în ūhâ ║khā║khāsens !âb ase !kharagagu ║khā║khā!âgu sîsen-e ║nâu!ās ׀kha, ╪khawusa khomais tsî khomain go xūna !khās !nubusib xa ra !aromahese. ╪Khawusa khomais ║khāsigu ge ╪khawusa tsî ╪gao╪gao!nâsa tama khomais khao!hūb xa ra !aromahe.
Nēs xa ra !aromahesen ge ║nā studentna ╪habase khomai tama hâ, khomais a ║khāsi tsî ║aeba ╪gan hâ omkhâihes !aroma xui-ao. ╪Khawusa khomais !gao!gaoba ㉠hâ studentn ge ╪khawusase ra ai!gû ║în ║khā║khāsens !nâ, naun hîa !gâi khomais ║khāsiga ūhân ║khāti !nāsa ║aega !gâise ra dī hîa. Garu-a khomais tsî khomaits go xūna ║nâu!ās ║khāsib tsîn ge studentna ra ║ā║ā ║khā║khāsenn ra xūna ║nâu!ās, ansa hÞbasens, ║nâu!ā tsî !hoa╪harugudi !nâ !âs tsî ╪ansa nau hâ ╪anshōxū!uruna xu ╪gae╪uibasens tsîna.
Khomais ║khāti !nāsa !âb âsa ║nâu!ās ׀kha ra !gû║are amagan ge studentn hîa !nubusiba ūhân ╪an╪ui tsî !oe!ās dana ╪hôasa xoa!âna xuna ║khāti !gomsiba ūhâ ôa!nâ tsî ׀asa ╪ansa ║în ╪hunuma ╪âi׀gaub tsî mîdi !nâ mā-oasa. Khomais ║khāsiba ūhâs ge ra hui!nâ ׀gora!gâxase ╪âis ׀kha tsî ║khā ׀gaub ai khomai!âde !oe!ās tsîna. Nēs ge ╪âibasen tama hâ ‘studentn a khomai ║oa’ ti. ║În ga khomai ║oa hâ on ge ׀gapi ║gau!nâ!khaigu tawa ga ū!oahe tama hâ. Hoaras ║îsa nēpa ra ׀gon׀gon!gaohe !khais ge, studentn kaise ׀orose ra khomaisa tsîs nē !khaisa ׀gaisa ╪gao╪gao!nâsa ╪hâba hâsa. Hurigowab ge !nāsa studentn Namibiab din di ╪guro gowaba tamaba xawen ge ║îna hurigowab !nâ ║în ║gau!nâsa ra !khō!oa. Hoa ║Khāsigu hîan ╪khamkhoena ra ╪gao׀khāhegu xan ║îba !nāsase nî sîsenūb ge a khomai, khomais a ╪hâbasa xui-ao ╪ans hîa xoamâisas, internets tsî o nî hâ !urun ╪ansa hōxūs dinats khomais !nâ-ū ׀gui nî ║nâu!ā tsî ╪âibasensa hō amaga. Nē ╪ans hîan khomais !nâ-ū ra hōsan ge studentna ra sîsenū ║gui╪amdi ║în ║khā║khā║khâis !nân ra ╪gao׀khāhede ׀oasa tsî ╪gao׀khāsa ׀nōb ai nî dī׀oa׀oase is !aroma. Khomais di !nubusib ra hâpas ge ╪khawusa !nurigu ra ╪herexasa, ║nā-amagas ge ׀gaisa ╪âisa khomais ║khāsiga omkhâis ai nî ╪nûihe tsî !nubusin hâpa studentna hui!nâsa ║aeb ai nî !khō!oa.
!Gāsasiba da ge nî ūhâ, khomais ║khāsib tsî gowaba !gâi╪âu hâse !hoa ║khās tsîra a !kharagu !khaisa. Nē !âs ge khoena ra ╪gao╪gao!nâ in !nāsa ║aeba khomais ai !ammâi nēs !nâ-ūts ra mîdi║uib tsî gowaba sîsenūs tsîna ׀gui ║aeb ai omkhâi amaga.
http://grammar.about.com