I Kae Matundu-Tjiparuro
OTJOMUISE ± Kazenambo Kazenambo matja kenakuriyandjera nu kena kukurama momatoororero kangamua wokuyarurapo omundu motjihavero tjotjiuru Tjouhonapare wOmbazu wOvaherero.
Morutuu kozombuze eye maningire okaruveze kozonganda zozombuze inÿa kutja makakaturure enare ndakutua kepu romayarukiro motjihavero Tjouvara wOmbazu wOvaherero otjomambo ngaingana morupanda, mozombuze nawina mozombuze zotungovi. Kazenambo matja owatjiri okoo kutja eye kena parorere okukara popezu nOuhonapare wOmbazu wOvaherero nu ngamba eye keeya popezu nawo. Menara nao otjeri otjiøa otjihungame kuye kangamua omundu okumukuta kuwo momuano umue poo warue. Munao mowatjiri okukuta ena re kuwo otjeri okuhinda ombapira koøa omundu kehayakurire ozombapira ze poo kehaturire.
Kazenambo komurungu matja korutenga eye omuruire wongutukiro wongurameneno nguari omurue wehika ro Swapo rovita indui o People’s Liberaion Army of Namibia, ousipi o PLANA, oro ndakara notjirua tjokukutura otjiwaøa kondjoke yohuurire yombangu yotjivara nu munao eye otjeehina meriyambura okurikotora pondondo indjo. ™Okutuurungira mo PLANA no Swapo ya Namibia, mbakara nomeripunguhiro kutja ehi rotjiwaøa tjetu rikuatue ndiri o Repapirika ya Namibia ongutuke nu munao otjimekarere omusuvere wehi retu omupiuke nguhina maanana orutu romuhoko poo rombazu. Pendje na nao wina ami kawami wombinÿu ndjimaihepa kutja mbiri omunane.∫
™Posia ngunda aperi nao oumune wandje imbui kauna kuheya kutja ami kourike wandje omuini mbinotjavivi ohunga notutu tuounane wozombazu nu tjingetjo wina otjimbituzuva nokutupa ondengero korupa ruato orunahepero motjiwaøa okuza moviombazu nganduu moviongaro novitjitua viomuhoko. Pendje na nao oto kanaa turire otjirondero tjandje mounane woporotika.∫
Komurungu Kazenambo matja otjomundu omureparirika weriyandjera kongaro novitjitua viouyara mbihaÞanÿere kongamburiro yoharive otja tjipasere okukara mehi arihe kangamua rombuaneno tjimuna o Namibia omana wakaseruseru tjimuna ™ombara otjitambi∫, ™ombara∫, ™omuara∫ nayarue ngasana noruroto orupukise uriri otja komatjangua nombepo yOngunÿeveta yOrepapirika ya Namibia ngeri omana ngeheriko. ™Otja kozoveta nomihunga vietu ovio kukuarumena omauhonapare wombazu, katuna ™ozombara ovitambi∫, ™ozombara∫, ™omuara∫ mbeheewa mbazemburukua nunguari ndutunazo moruveze ozombara nozorata ozonene nÿazemburukua zomauhonapare wombazu owo ngena oruveze roharive mehi muyenanena. Komurungu Kazenambo matja mo Namibia otja kOngunÿeveta, kamuna oviwaøa poo omauhonapare omakutuke kuwo oyeni mo Namibia rotjiwaøa tjimue posi tjirinaro omihoko peke peke ovio mbiri orupa notjiwaøa tjimue morukumbambura rwatjo. ™Owatjiri mbuhapaterua pendje Ovaherero orupa okuura rotjiwaøa otjinene orukumbambura ihi tjitjinanenua mehi rimue rombuaneno rotjiuru tjehi, Operesidenda, otjomunane waro. Mowatjiri otjiungura tjotjikoro norupa rovanane vombazu okuyandja ondunge ko Tjiuru tjehi, Operesindenda, momaungurisiro wehi ra kangamua mouparanga wehi arihe, muviarue ovingi. Okuhina okuhoreka, oruveze `rozombara ovitambi’, `ozombara’ `novamuara’ mowatjiri ruakapita rukuru.∫
Kazenambo komurungu matja mapeya moruveze rokomurungu wohuurire namohuurire `ozombara ovitambi’, `ozombara’, `novamuara’ vari nomasa wakatjotjiri nuvari nounane womondivitivi kombanda yovandu voviwaøa viao mbaaveturire puvenanena. Posi nambano mo Namibia ekutuke omihoko muviarimbara mehi otjovandu ovakutuke nawina avikarimbaka mouye mumuna ozohoromende peke peke kutja oyomondivitivi, orukondua nongomainde, hapo omundu moriisana vi `ombara otjitambi’, `ombara’ poo `omuara’ nandarire kutja tjiva vovandu imba kaveturire mehi muunanena? Kazenambo matja Ovaherero mbarimbakana motukondua atuhe tuehi otjovakuatera tjimuna ovakuatera kangamua vekuramenenuapo motutu tuohoromende iyovakuramenenepo mbatoororua mouyara okutuurungira movira peke peke vioporotika. Munao hapo otjiungura tjo `mabra otjitambi’, `ombara’ no `muara’ mbeheewa mo Namibia yombuaneno otjaye?
Kazenambo matja eye otja tjimatjiwa Ouhonapare wOmbazu wOvaherero wazemburukua otjouhonapare wombazu mOmongua mOrukondua rua Maheke okunanena okutuuringira moveta nomihunga viehi viombazu nongaro novitjitua viomuhoko yOvaherero mehindo. Matja mombazu `ozombara ovitambi’ ze ovahona vo Vaherero nozorata ozonene nawina tjigezo ovahona nozorata ozonene za kangamua oviwaøa mena rokutja eye wasere okutenga ongaro novitjitua viomihoko aruhe nu kangamua oruveze puvenanena eye tjaingo. Wina Kazenambo matja eye kenombinÿu yotji Riruako ndjimapeya aimuyandjere ousemba wokuyaruka motjihavero.
Amayandja okunene okuhepa kOvaherero omayovi nOvanamibia varue mberi purire konÿengu ye younane kutja mayaruke motjihavero, Kazenambo matja eye matuurungire motutu tuarue tuotjiwaøa tjimuna Erapi rOtjiserandu, ozOkomi zOtjiÞiro Otjindjandja, mutuarue otungi okuyandja ohambuarakane ye kotjiwaøa mombazu. Ko Komiti yOtjiÞiro Otjindjandja ndjinanua iyomuhoke we matja ndoovazu kairiÞunine eye mayenene okukambura ounane wayo.