OKAHANDJA – Babeleki ba muuso batabe ba simuluzi kutina litino zeňozwi mabizo abona mwanako yekuswani feela kuzwa kaceneu le, Ngambela wa naha Mutompehi Hage Geingop natumusize liňusa leo la Bune.
Lisupo za mabizo litabe lisupelize mabizo abona babeleki ba muuso bao, mi litabe litiniwa mwa lihola zamisebezi.
Mukwa wo utaba unolofaliselize sicaba kukona kumaňala mubeleki wa muuso kwa likolo lahabo haiba inge kuna nibutokwa bwakueza cwalo. Ngambela na tumusize taba yeo nako yenekukwalulwa muyaho wa likunganelo mwa lipisinisi (shoping centre) kwa Okahandja.
Na talusize kuli babeleki ba muuso ba swanela kutiiseza ni kusupeza sicaba buitamo bwabona kwa muuso ni kubonisa kuli misebezi ye minde itisa zwelpopili. Bao ba itingile mwa lipisinisi za kwa mukunda bana ni kalulo ya butokwa mwa kunanula mayemo a misebezi, a ekeza. “U kona kuba ni muyaho okateleha, kono haiba zizwale sahao ni sicaba sibusula sitatisa kuli baleki bayemele buhule ni mileko ya hao,” a tiiseza.
Temuso yeo itatamana ni mukiti wa babeleki ba muuso wa silimo mwa lifasi mubu (Annual Celebration of International Public Service Day) kweli ya Mbuwana haiba ni mazazi a mashumi a mabeli ni mazazi amalalu (23 June). Itaba lizazi la kutabela butokwa ni bunde bwa misebezi ya muuso kwa sicaba ni kusupeza lisebelezo zeo liezizwe ki muuso kwa zwelopili, ni kukona kulemuha butokwa bwa misebezi ya babeleki ba muuso. – Nampa