OTJOMUISE– Ondjakaha motjombanguriro pokati kovimbumba vivari vio Vaherero ohunga nomuriro pokomando ya Kahandja yErapi rOtjiserandu yeya komayandero.
Ouhonapare wOmbazu wa Maharero nOtjiserandu Oritjavari otjivazuvasanene monÿuvasaneno ndjatjitirue era rotjombanguriro. Otja konduvasaneno indji omuriro imbui pokomando okuzamba mauyaruka puukara koutjiro wondjuwo yokomando indji. Omuriro imbui waiasapewa imba puuyakera iyerapi rotjiserandu novakongorere varo ovo naimberi ovazire votjiposa ihi mu Katjose mo 2011. ™Omuningire (Ouhonapare wOmbazu wa Maharero) mauyakisa okuruwo Oritjatano indi romayuva womasuviro womayamberero werapi rojiserandu nu omuriro imbui mauyaka nganduu ovituka huka via Sondaha romayamberero. Omuningire mayakisa omuriro imbui otja kozombazu nozongaro okuyandjera omaungurisiro wawo komaravaerero kovaÞi novakuru okuvetjivisa omayamberero, novitjitua vairue viombazu otja tjeri ohepero nawina okutjivisa ovanarupa momayamberero kovaÞi novakuru,∫ onÿuvasaneno indji mairese nao.
Kapena omundu ngumarundurura omuriro imbui pendje nomuningire poo omuhindua we. Komurungu otupa atuyevari itui tuazuvasanene kutja Otjiserandu okutuurungira mo Komando tjayo Ondenga ya Kahandja otjimatjikara nomerizirira wokusembamisa omayamberero wOtjiserandu ngekarako ombura aihe mu Katjose nowo mauso okutjita nao nondiero puna ovanarupa nonÿero avehe mumuna Ouhonapare wOmbazu wa Maharero nunguari mbuheri auyerikje otja kozombazu nozongaro zomayamberero ndaripo komurungu wa Katjose mo 2011.
Onÿuvasaneno yopendje notjombanguriro indji yatjitirue eraa rotjombangurio tjokombanda iyomupangure Shafimana Ueitele mOtjombanguriro tjOkombanda tja Tjomuise Oritjavari muhukomunene.
Owo kuatuiirue omune kembo iyovakuramenepo peke peke vovimbumba vivari imbi komurungu wozohahende zavio. Momaningirieo wawo kotjombanguriro Ouhonapare wOmbazu wa Maharero wavanga kutja otjombanguriro tjiraye kutja owo auyerike ombuna ousemba wokuyakisa nokuhohiza ™okuruwo∫ pokomando yErapi rOtjiserandu mOkahandja. Ouhonapare imbui wina wazera kutja otjombanguriro tjiraye kutja owo auyerike ombuna ousemba nehi pupena okomando nokomando indji ombura aihe momayuva popezu nomayamberero wokuyambera kovaÞi vOtjimaharero. Wina wazera kutja otjombanguriro tjitjayere ovazire okukara poo okuungurisa oruveze indo omayuva wopopezu womasuviro komurungu womayamberero poo wokombunda ya nao.
Okuhina okuzuvasana okunene pokati kovimbumba vivari imbi omarundururiro ™wokuruwo∫ okuza komuhuka puwari (kongotue yondjuwo yokomando) okuyarura kongurova (komurungu wondjuwo yokomando) mo 2012. Kuza otjimbumba tjaa tjinanua iyOmbara Kuaima Riruako otjitjarundurura ™okuruwo∫ ingui kutja kukakarere komurungu wokomando poo koutokero.
Ohahende Theo Frank ongua kuramnenepo Otjimaharero ngunda Thomas Weilligh aa kuramenenepo Otjiserandu. Otja konduvasaneno indi otjimbumba atjihe matjisutu otjimariva tjotjiposa tjatjo.