I Kae Matundu-Tjiparuro OTJOMUISE – Ombara yOva-herero Kuaima Riruako wa kahurura kutja ombongarero yOvaherero ndjatandua mOka-karara omayuva womasuviro tjiyeri 3-5 ku Seninarindi oyombazu porwe kayopolotika natja imba mbuma veiteme kutja oyopolotika maverihorrora omainya wawo oveni. Mehungi rapeke kuna o New Era Riruako watja kapena opolotika maiyandjerwa mo-mbongarero indji naraisa kutja otjiwana tjikare mondomo mutjiri nai yohani omena ro polotika nu munao opolotika otjiihasere okurirunga mom-bonagrero indji. Watja ozombara azehe moupapi nouparanga wazo kwahindua ondjivisiro nu una ongambuiro kutja mazevaza. Watja ozombara peke peke vehungira kumwe puve haka-enena nu munao otjena onga-mburiro kutja mazevaza. Watja otjinenge otjinene tjombongarro indji ohani mokati kotjiwana mburi omuhoko umwe. Watja ozombara ndekaenda punaye ounepo mokunanga ozombara ozongwao novahenendu varwe nu zerirongerere okuyakura ozombara. Watja otjiwana tjitjiri mohani mutjiri nai oo ruveze rokupu-ratena koruuro rwatjo nungwari kaa ruveze rokutja ketjii nu indjo oongendo nozongari ndahingi kutja maisane om-bongarero ya Kakarara. Watja otjiwana atjitira orondu eye watie kutja ombo-nagrero indji irire ondoneno nu ituape omirari otjiwana ku matjirinane muhuka. Watja ongaro ndjripo ndinondi itja otjiwana tjitjahanika mopolotika okutja mombazu ngatjihanike wina nu inji kangaroo onderwa nondarwa. Omirri ombongarero mbi maika nununga oo ngaro omuhoko mbumaukondjo oku-koza. Okuyandja omasa kondando nondero yokutja ombongarero indji aiharire yotjipolotika, Riruako ovarongeeise vombo-ngarero indji opuva pahera ovahenendu motjiwana otjova-haamise vayo. Mbahungamwa motjiungura ihi nai Onongo Mose Tjitendero, ngwari omu-haamise wovihavero vyOm-bongarero yOtjiwana, Ohahe-nde Vekuii Rukoro, eengo ngwari Omutjangerepo Omu-karere wOmbongarero yOtjiwa-na, Moses Ndjarakana, Onongo Zed Ngavirue nOmuhona Tumbee Tjombe. Riruako watja harukuru onduri yotjiwana okurikareka nomwinyo otjini mena rokutja otjiwana tjitjihina kurikuramena kutjo otjini momeho woviwana vyarwe katjiwana. Otjotjihorera watja Ovajuuta vena ovita peke peke vyopolotika posya tji-kweya kobmwiro yawo veku-rama pamwe otjomundu umwe. Mombepo indjo ondjira ko-muungu otjeri okupangina nokurongerisa otjiwana tjOva-herero okurikareka nomwinyo otjini. Watja omaundjiro okutja auhe ngwa kendekwa iyo hani indji makapatukurike mahu-ngire oumune we nu otjiwana tjima tjizumbo atji hayatasana mena ropolotika. Noviveke ape vivari oku-yenda kombongarero indji ozondjira otja komuhaamise wovihavero vyo Komiti yOtji-tiro Otjindjandja, Utjiua Mui-njangue, maitja ozondjira azehe momarongeririso wombonga-rero zasembama noku seruruka. Nandarire mozondjamba ndumazeutuka kutja pena ozongondjero peke peke okuza movanazongendo motjiwana nduvenazo kutja ombongarero indji ai hakaenda komurungu, otji hei mukuru porwe otji matjiyitjayere. Okwiisira koku-tja pona apehe omundu pumo-yata ombongarero indji eehungi kanaarire okukanda omaihi mewe okutja otjiwana moure, ouparanga noupapi watjo tjatara kErari. Muinjangue matjaa ovahaa-me vombonagrero indji kavena kuzira moukoto wehi uriri nungwari wina ozondekurona zotjiwana momahi wozonganda tjimuna o Tjauana, South Africa na America zeri kamuseka. Om-bara Riruako wina matja om-bongarero kayo Vaherero uriri nungwari kangamwa wina varwe meban ohambwarakana okueya komazengisiro wohani motjiwana maveyakurwa. Muinjangue tjasasaneke ombongarero ona makuruhungi indji kOhamakari 2004, mokutja iimwe yozombonga-rero yondondo yayo morupe veze ndjakarere motjiwana, watja otjiwana katjina kuza moukoto wehi porwe nungwari otjivepo wina mohahi wozonga-nda tjimuna o Tjauana, South Africa no America. Watja ombongarero indji ndjimai-haama ponganda ombe yomba-zu mOkakarara, ina omapu yane wotjikoro. Epu etenga ohani ndjiri motjiwana nu tjinene nene ozombara azehe movito vyazo avihe mazezerwa okukayandja oumune wao ohunga nohani nondjira komurungu. Poru-tjavari maitara komwano ohani mbuyatuna na mbwiituna ko-polotika, ombwiro, ehupo, om-bazu noruzo nongamburiro yomuhoko.