MUZAMAISI wa sikolo sa West Side High School, mufumahali Joan Meyer na kile a taluseza bana ba sikolo kwamakalelo a silimo se kuli haba swaneli kutaha ni mihala ya mwalizoho ona ma Cellphones ka puo ya sikuwa, kwasikolo. Hana bulela kubona sunda ye felile, Meyer naize baba ta lola mulao wa sikolo o, bata bona mihala ya bona ye lateha inge ingiwa ki sikolo ni kui ba kutiseza feela yona kwamafelo a silimo se. “Haiba inge u taha ni muhala wa hao kwasikolo u sike wa taha inge u mata kuto u biha ha u ta uzwiwa kwanu kwasikolo,” na file mamela. Na kile a swala hape nifa kusiyala hahulu kwabana ba sikolo sa hae ba sitopa sa giledi 11 ka kuekeza kuli hakuna wa sitopa sa giledi 12 kwabaituti ba silimo se sifelile, yana kile a pasa hande lituto kaufeela. Naize bun`ata neba ezize bumaswe mwalituto zena ni lipalo. “Se kubonahezi hande kuli baituti baba sa ezi hande mwalitopa za bona za giledi 11 ha ba ezangi hande mwasitopa za bona za giledi 12,” na ekelize. Muzamaisi na kile a talusa hape kuli silimo se sifelile nesi kile sa bona baituti ba ban`wi inge ba lofa mazazi a fitelela 16 kwasikolo mwasilimo kaufeela kusina mabaka sakata ana kilwe a fiwa, nto yana kile a bulela kuli haiba inge I kutela kuezahala silimo se, uta leleka kuya kuile bao ba fumanwa bufosi silimo se fa sikolo sa hae.