Omulumenhu weedula 45 okwa tulwa mokatoo ndele ta ka nifa oN$18 000 konima eshi a dengelwa ongodi kukalyamupombo ta ti kutya oha longo koNatisa. 

Oshiningwanimwa osha ningwa momafiku 28 modoolopa yaEenhana efimbo lomutenya. 

Omupopiliko wopolifi moshitukulwa shaHangwena Warrant Andreas Nghiyololwa okwa hokolola ta ti nakuninga oshihakanwa okwa landa otuwa ipe ashike okwa li ya pumbwa ekei shangife koNatisa. 

Opolifi oya hokolola tai ti omulumenhu ou okwa haluka eshi a dengelwa ongodi omunhu ta ti oku li koNatis, oo e mu lombwelw kutya natume oshimaliwa opo a dule a shangife diva otuwa yaye. 

Vati okwa lombwelwa kutya ngeenge otuwa ina i shangifwa ota kwatwa po. 

Ota ku hokololwa kutya nakuninga oshihakanwa okwa ya kofitola yoShoprite ndele ta tumu oshimaliwa komulumenhu oo.

Oshimaliwa inashi monika nomufekelwa ka pena ouyelele kutya olyelye. 

Opolifi oya ti ovanhu paife ova ninga oihakanwa yokutulwa mokatoo unene tuu ovakulupe ovo kwa li ovanashilonga ve li paife mopendjela. 

Opolifi oya ninga eenghendabala dokuyandja ehongo koshiwana okupitila moradio ashike ovanhu natango otava twikile okuninga oihakanwa yokutulwa mokatoo. fhamalwa@nepc.com.na