Auleria Wakudumo 

Okaana keedula 12 oka kwatwa keenghono okudja kofikola mEtitano. Oshiningwanima osha ningilwa mOshigambo, moshikandjohololo shaNiipa moshitukulwa shaShikoto. 

Komufala wopolisi moshitukulwa shaShikoto Teopoline Kalompo-Nashikaku okwa koleka oshiningwanima eshi. Nashikaku okwa ti nakuningwa oshihakanwa okwa li vati a uka keumbo okudja kofikola, eshi a hanga omufekelwa e li omutumba popepi nomaendo te mu ifana.  Okaana vati oka faduka po nomufekelwa okwa taataa okaana nomukonda e wu pweya mo. 

Nakuningwa oshihakanwa vati okwa ka loloka okutondoka ndele te liyandje komufekelwa oo e mu kokolela melambo la li popepi ndele ta mangele eenyala daye kumwe nongodi noku kwata okaana keenghono. 

Okaana oka ya keumbo noka lombwela ashike mumwaina Etivali shaashi vati okwa ningilwa omatilifo komufekelwa kutya ine shi popya. 

Omufekelwa vati ke shiivike kokaana shaashi okwa li a djala oshilapi koshipala opo aha dimbulukiwe. 

Nashikaku ota kunghilile ounona vofikola opo va kale tava ende moungudu ngeenge tava i ile tava di kofikola. 

-wakudumoauleria@gmail.com