Omukainhu weedula 20 okwa kwatwa po shaashi vati a dipaa okaana kaye kokamati noku ka tula mevela loimbodi li li koshi yombete yaye konima eshi e ka mona.

Oshiningwanima osha ningwa mexuliloshivike komukunda Okakwiyu meumbo lavo moshitukulwa shaShikoto efimbo longula. 

Omupopiliko wopolifi omupedu komufala Kauna Shikwambi okwa hokolola ta ti ovaneumbo ova uda okaana ta kwena monduda yomufekelwa.

Opolifi oya hokolola tai ti ovaneumbo ova ya konduda yomufekelwa tave mu pula opo a patulule po.

Ota ku hokolwa kutya ovaneumbo ova ufana ovashiinda molwashi okwa li va kumwifwa koshiningwanima shokaana ka tulwa mevela loimbodi.

Opolifi oya hokolola kutya fiyo opapa ka pena ouyelele kutya omolwashike omukainhu ou a dipaa okaana kaye. 

Omufekelwa okwa tambulilwa moshipangelo shaNandjokwe ta mono omayakulo opaunamiti.

Opolifi oya ti omukainhu ngeenge okwa lekelwa moshipangelo ota ka holoka momhangu opo a dule okupangulwa molwoefyo lomona waye.

Okwa didilikwa ounona va ninga oihakanwa yokulongelwa ominyonena koina eshi va kupulwashi.

Opolifi oya kumaida ovakainhu ngeenge va pulumuna opo va ka konge omakwafo kovaxungimwenyo oshoyo okupopya kutya itava dulu okutekula ounona vavo.

Opolifi oya ti koipangelo oku na omandiki ha ku twalwa ounona ovo ina ha lika vali koina.

fhamalwa@nepc.com.na